7/14/2015

quomodo dux et exactor inter se differant

in hoc tractatu proponuntur septem modi quibus dux et exactor inter se differunt.

1. magnus quidem dux facit ut opus quotidianum ad magnas causas finales attineat, exactor autem solummodo ad tempus citerius animum intendit.

2. dux quidem homines, exactor autem tantummodo officiorum titulos uel ordinum imaginem respicit.

3. dux quidem magni haberi, exactor autem placere uult.

4. cum conturmalis aliquid magni effecit, dux quidem laetatur, exactor autem minas sentit.

5. dux quidem patefacit, exactor autem occulit.

6. cum turma defecit, dux quidem culpam suam, exactor autem ceterorum conturmalium esse arbitratur.

7. dux quidem quid efficiatur, exactor autem quomodo fiat animum attendit.

7/07/2015

quomodo uestis formalis cogitationem mutet

 
hic proponitur thesis quod homo cum uestem formalem gerit ita afficitur ut latius uel altius uel modo abstractionaliore cogitet.

7/01/2015

ultimum supplicium


hic est argumentatio quod haec thesis quod ultimum supplicium absolute et in se iniustum sit patrum ecclesiasticorum doctorumque consensui et iis quae multa a pontificibus summis docta sunt contraria est.

quod ad traditionem ecclesiasticam attinet, quae fidei professio Gualdensibus restituendae communionis ecclesiasticae causa iniuncta est ei professioni hoc inest: "de potestate saeculari asserimus quod sine peccato mortali potest iudicium sanguinis exercere dummodo ad inferendam uindictam non odio sed iudicio non incaute sed consulte procedat" (Enchiridion symbolorum 425) quod contra hanc Gualdensium thesim quod ultimum supplicium in se malum sit importat ultimum supplicium in se malum non esse.

et Iosephus cardinalis Ratzinger in qua epistola de sumenda communione sacra disserit in ea epistola dicit "non omnes res morales quam abortus et euthanasia tam graues sunt. exempli gratia si homo Catholicus de adhibendo ultimo supplicio uel gerendi belli sententia a pontifice summo dissentiat non ideo iudicetur dignus non esse qui se ad sumendam communionem sacram proferat. quamquam ecclesia potestates saeculares hortatur ut pacem non bellum quaerat et quando maleficos poena afficiat cautione misericordiaque utatur tamen licere potest arma repellendi eos qui impetum faciunt causa sumere uel ad ultimum supplicium confugere".

his addi potest haec Sancti Thomae Aquinatis sententia "si aliquis homo sit periculosus communitati et corruptiuus ipsius propter aliquod peccatum, laudabiliter et salubriter occiditur, ut bonum commune conseruetur; modicum enim fermentum totam massam corrumpit, ut dicitur I ad Cor. V." (Summa theologiae IIaIIae.64.2).