Pauli papae III litterae quae "sublimis Deus" appellantur

earum litterarum quae a Paulo papa III scriptae "sublimis Deus" appellantur tres textus in interreti (hic et hic et hic) inueni, sed ii uitia habent neque inter se concordes sunt. ergo eas litteras sic recensui: 

 

Paulus episcopus seruus seruorum Dei uniuersis Christi fidelibus praesentes litteras inspecturis salutem et apostolicam benedictionem. sublimis Deus sic dilexit humanum genus ut hominem talem condiderit qui non solum boni sicut ceterae creaturae particeps esset sed ipsum summum inaccessibile et inuisibile bonum attingere et facie ad faciem uidere posset, et cum homo ad uitam et beatitudinem aeternam obeundam etiam sacrarum scripturarum testimonio creatus sit et hanc uitam et beatitudinem aeternam nemo consequi ualeat nisi per fidem domini nostri Iesu Christi fateri necesse est hominem talis conditionis et naturae esse ut fidem Christi recipere possit et quemcumque qui naturam hominis sortitus est ad ipsam fidem recipiendam habilem esse. nec enim quisquam adeo desipere creditur ut sese credat finem obtinere posse et medium summe necessarium nequaquam attingere. hinc ueritas ipsa quae nec falli nec fallere potest cum praedicatores fidei ad officium praedicationis destinaret dixisse dignoscitur "euntes docete omnes gentes." "omnes" dixit absque omni defectu cum omnes fidei disciplinae capaces exsistant. quod uidens et inuidens ipsius humani generis aemulus qui bonis omnibus ut pereant semper aduersatur modum excogitauit hactenus inauditum quo impediret ne uerbum Dei gentibus ut saluae fierent praedicaretur ac quosdam suos satellites commouit qui suam cupiditatem adimplere cupientes occidentales et meridionales Indos et alias gentes quae temporibus istis ad nostram notitiam peruenerunt sub praetextu quod fidei Catholicae expertes exsistant uti bruta animalia ad nostra obsequia redigendos esse passim asserere praesumunt et eos in seruitutem redigunt tantis afflictionibus illos urgentes quantis uix bruta animalia illis seruientia urgeant. nos igitur qui eiusdem domini nostri uices licet indigni gerimus in terris et oues gregis sui nobis commissas quae extra eius ouile sunt ad ipsum ouile toto nisu exquirimus attendentes Indos ipsos utpote ueros homines non solum Christianae fidei capaces exsistere sed ut nobis innotuit ad fidem ipsam promptissime currere ac uolentes super his congruis remediis prouidere praedictos Indos et omnes alias gentes ad notitiam Christianorum in posterum deuenturas licet extra fidem

exsistant sua tamen libertate ac rerum suarum dominio priuatos seu priuandos non esse immo libertate et dominio huiusmodi uti et potiri et gaudere libere et licite posse nec in seruitutem redigi debere ac quicquid secus fieri contigerit irritum et inane nulliusque roboris uel momenti ipsosque Indos et alias gentes uerbi Dei praedicatione et exemplo bonae uitae ad dictam fidem Christi inuitandos fore et praesentium litterarum transumptis manu alicuius notarii publici subscriptis ac sigillo alicuius personae in dignitate ecclesiastica constitutae munitis eandem fidem adhibendam esse quae originalibus adhiberetur auctoritate apostolica per praesentes litteras decernimus et declaramus, non obstantibus praemissis ceterisque contrariis quibuscumque. datum Romae anno domini millesimo quingentesimo trigesimo septimo, quarto nonas Iunii pontificatus nostri anno tertio.

Georgius Bergolius

 

qui blogus "Rorate caeli" dicitur in eo blogo in hoc tractatu proponitur haec thesis quod Georgii Bergolii actiones uerbaque optime intelleguntur si is fraternitatem omnium hominum naturalem uitae supernaturali antehabere putatur.

domus regum imperatorumque

domus Philippi Hispaniae regis II hic et hic.

domus Habsburgensium hic et hic. 

domus Ludouici Franciae regis XIV hic et hic.

domus Hohenzollernensium hic et hic.

domus regum Neapolitanorum hic et hic.

domus imperatorum Russicorum Petropolitana hic et hic et hic.

domus Vinsoria hic.

domus Bucinghamensis hic.

domus Censingtonensis hic.

Oliuiae Alexae sententiae

Oliuia Alexa hic theses mentione dignas proponit. inter eas praecipue noto quod feminae inter se aequalitatem obtinere sed uiri se in ordines ponere solent. Oliuiae Alexae cinematium mihi notum fecit legio uirorum.

de institutione liberali sententiae

ut hic refertur, per artes grammaticam rhetoricam logicam adipiscuntur homines uerborum et cogitationis facultates quibus uera cernant. ut in prouerbiorum libro dicitur (1.2-6):

ad sciendam sapientiam et disciplinam

ad intellegenda uerba prudentiae

ad suscipiendam eruditionem doctrinae

iustitiam et iudicium et aequitatem

ut detur paruulis astutia

adulescenti scientia et recogitatio.

audiat sapiens et addet doctrinam

et intellegens dispositiones possidebit;

animaduertet parabolam et allegoriam

uerba sapientium et aenigmata eorum.  

de institutione liberali hic dicitur "theorias aedificamus et ea quae sensu sciri possunt cognoscimus et ideas in quaestionem prouocamus propterea quod haec studia in se digna sunt." 

institutio liberalis hic dicitur esse ex quibus operibus cultus ortus est eorum operum lectio qua cultus elementis principiisque adhaereamus et uera cognoscamus. institutio liberalis dicitur nos eo cui quolibet tempore maxime fauetur et animi motibus et loci temporis politiae consuetudinibus et erroribus liberare. quod ad secundum pertinet, institutio liberalis et docet quod ratione uiuere oportet et per fabularum lectionem animi motuum purgationem habet. quod ad tertium pertinet, "institutio liberalis nos cogit de ideis et politiis et sententiis eorum qui in aliis terris et aliis temporibus et sub aliis systematibus politicis uiuebant legere ac colloqui. hoc indagationis genus non facere non potest ut ideas nostras consuetudinesque iudicemus. hoc indagationis genus facit ut ea quae putamus agimusque non solummodo propterea quod sic putare agere solemus sed etiam propterea quod ea contra alias consuetudines considerauimus putemus agamusque."

institutio liberalis hic dicitur facere ut inquiramus et cultus participes fiamus.

hic et iste et ille

 

Michael Folius philosophiae doctor hic de hoc et isto et illo dicit: "quando res mihi quam tibi propior est, adhibeo adiuectiuum uel pronomen 'hic/haec/hoc'" "quando res nobis aequaliter longinqua est, utor 'ille/illa/illud'" "quando res tibi quam mihi propior est, utor 'iste/ista/istud' quod [Anglice] reddi potest 'that thing of yours.'"

similis est Laurentii Vallensis sententia in Elegantiis 2.4: "de me loquens dicere debeo 'hoc caput' 'haec manus' 'haec ciuitas' de te uero 'istud caput' 'ista manus' 'ista ciuitas' de tertia autem persona 'illud caput' 'illa manus' 'illa ciuitas'"

pro Missa Latina

 

Donaldus Clauster sacerdos hic.

arbor letalis

 

ex origine hic et in symphoniae imitationem hic et clauicinio neruisque hic.

Eduardi Elgari pompa prima

hic et hic et hic et hic est.

fabula infinita

modo electronico hic et hic et ab cantrice symphoniaque hic.

"Ligulae Chrononicae" ludi electronici carmina

 

anni 600 carmen a Phoenice Arco Angelo hic et a chordacistarum tetrade hic et a Columbio Robertulio hic et technoice hic est. 

 

contra Lauum pugnae partis secundae carmen hic est. 

 

magice obseratae ianuae carmen a Columbio Robertulio hic et a chordacistarum tetrade hic et a Ponto Hultigreno hic est. 

 

regni Zelii carmen clauicinio eminente hic et a Zidano Tribali hic et a Columbio Robertulio hic et uiolino solo hic et tintinnabulo eminente hic et a chordacistarum tetrade hic et annorum 1981-1990 modo hic et eodem genere hic et a Ponto Hultigreno hic est. 

 

Schalae carmen a Columbio Robertulio hic et chordis tintinnabuloque eminentibus hic et a Phoenice Arco Angelo hic et a Ponto Hultigreno hic et ab Leone Nocte hic et alio modo hic est.

 

carmen principale a Ponto Hultigreno hic et a chordacistarum tetrade hic est.

multa carmina modo electronico hic sunt.

Carolae Gressae philosophiae doctricis opera

 
Carola Gressa philosophiae doctrix

hic feminismum reprobat;

hic disserit quae uitia feminismo et Mariae Vollistonicraftae sententiis insint;

hic narrat quomodo feminismus feminas affecerit;

hic feminismi secundi historiam narrat;

hic disserit quae mala feminismo insint praesertim Marxismus goetiaque et quod munus femineum uerum est fructificare.

duorum cardinalium Africanorum sententiae

 
Robertus cardinalis Saraus hic (cf. hic) refertur dixisse quod in regionibus occidentalibus multi quidem Christiani diuitiis adducti se ad illuminationem nouam aduenisse putant multi autem episcopi mundo aduersari nolunt, quibus sententiis ego totus assentior. etiam demonstrat episcopos Africanos iis litteris quae "Fiducia supplicans" appellantur non propter mores Africanos sed propter theologiam Catholicam aduersari. de illis litteris hic Fridolini cardinalis Ambongi sententiae referuntur.

fides Christiana in Sinis et Honcongi

hic et hic refertur quomodo communistae cultum diuinum Honcongi adducere conentur.

ii quos communistae interfecerunt

de iis Saluator Leonicors episcopus Franciscopolitanus in "Principiis" hic disserit. etiam memorat multos in his ciuitatibus Americanis Marxismo fauere.

communistarum Sinicorum dux

 

Matthaeus Pottinger et Matthaeus Ioannides et Dauid Vitus in "Rebus ad Alias Ciuitates Pertinentibus" hic et Simona Carthagis hic disserit quid communistarum Sinicorum dux uelit. Matthaeus et Matthaeus et Dauid etiam disserunt quomodo illi resisti possit; nam ille eo magis prohibebitur quo magis Sinae aliis ciuitatibus ad adipiscendas res indigebunt.

de litteris ecclesiasticis quae "Dignitas infinita" appellantur

 

Eduardus Feser philosophiae doctor hic et hic.

Ioanna Smita hic.

Robertus Matthaeus hic.

Ionathas Liudulfus hic.

Timotheus Flandrianus hic.

Iacobus Tatus hic.

Nicolaus Rudolphus hic.

Marcus Nauta hic.

sancti qui hodie coluntur

Ioannes Zulsdorfus sacerdos hic narrat.

Ionathas Liudulfus hic narrat.

lingua Latina et concilium Vaticanum secundum

 

de iis Petrus Quasneuius philosophiae doctor hic disserit.

de liberalismo sententiae

Ioannis Horuati sententia hic: "is [liberalismus] intenditur ad uoluntati potius quam intellectui placendum....liberalismi essentia est putandi sentiendi faciendi omnia ea quae animi motus effreni poscunt ius."  

Timothei Flandriani sententia hic: "liberalismi mendacium fundamentale est quod dignitas humana ex potestate oritur uel ut aliis uerbis dicatur quantum facere potes tanti es."

de lingua Latina et humanismo Timothei Flandriani sententiae

Timotheus Flandrianus in hoc tractatu cuius pars maior ad alia pertinet de eo quod professio dicasterii doctrinae fidei nouissima non Latine edita est: "nobis necesse est lectores commonefacere quod haec ecclesia Catholica Romana est quamquam ii qui Romae regunt adhibendae linguae Romanae facultatem amiserunt. ergo non est textus Latinus. tibi, o concilii Vaticani secundi euentus, gratias ago. nos autem oportet lectores commonefacere numquam desinere quod lingua Latina Romanitasque amissa et cuilibet intelligentiae quae his litteris uerbosis tribuatur obstat et hunc pontificatum longius a Ioanne Paulo papa II Benedictoque papa XVI quorum ambo textus auctoritatiuos lingua Romana edere perseuerabant separat. hoc quoque hic pontificatus est iconoclastocratia" et de humanismo eo qui artium renascentium aetate agebatur: "'humanismus' quoque per se totus ex more maiorum est. alia fabula falsa est...quod 'artium renascentia tulit ad protestantismum qui ad liberalismum tulit; ergo humanismus per se haereticus est.' est autem et non est. nam ei fabulae deest mentio quod ecclesia artium renascentium humanismum concilio Tridentino baptizauit. hoc ad glorias cultus baroci qui mundi noti partem magnam ad hunc diem conuertit tulit" et de personalismo "etiam nos oportet cauere si 'personalismum' quippe qui quoque per se haereticus sit condemnare incipimus....eius motus qui mori maiorum fauet patronorum unus Theodericus Hildebrandensis huius motus philosophici Augustiniani (et Thomistici) saeculo uicesimo orti progressui auctor erat....porro 'personalismus' intellegi potest esse responsio philosophica et Catholica ad eos errores qui de persona humana liberalismo eiusque duabus filiabus turpibus feminismo et communismo insunt."

Anna Bernarda de imaginibus pictis et theologia

 

Anna Bernarda nuper utitur imaginibus pictis quibus de theologia disserat: hic de Iesu Christo domino nostro apicem gerenti (ut Anna sic ego apicibus faueo. etiam de apicum usu uirili est hic tractatus in quo disseritur quid apex significet et cur uiri apices gerere non iam soleant. ego autem apicem doctoralem in schola gerere soleo.); hic de cena Emmaea; hic de Iesu resurgenti; hic de Iesu alios se tangere sinenti aut uetanti.

ecclesia Mediolanensis

 

ut Gregorius Pippius hic refert, ecclesiam Mediolani sanctus Barnabas mensis Martii die decimo tertio anno 51 condidisse refertur.

paruulorum institutio in Corea et alibi

 

qui professor in hoc tractatu memoratur is "dicit eam aetatem qua praeceptor ex se honorificetur non solum in Corea Australi sed in aliis mundi locis iam diu praeteritam abesse et praeceptoris parentisque modum inter se agendi praequam is abhinc decadem tantummodo unam uel duas se habuerit agnosci non posse."

hominum qui ante aeuum modernum uixerunt imagines

 

Rebecca Segouia excogitat qualem aspectum homines qui ante hoc aeuum uixerunt si hodie uiuerent exhiberent.

 

Alexander Macedoniae rex

 

idem

 

Aristoteles

 

Iulius Caesar

 

Cleopatra et eadem

 

Marcus Antonius

Octauianus Augustus

 

Agrippina

 

Saladinus

 

Elisabetha uxor Eduardi Angliae regis IV

 

Ioanna

 

Leonardus Vincius

 

Henricus Angliae rex VIII

 

Catharina Aragonia eius uxor uera

 

Anna Bolena

 

Ioanna Scymira

 

Anna Cliuiensis

Catharina Houarda

Catharina Paraea

 

Elisabetha Angliae regina I

 

Roxelana

 

Catharina Russiae imperatrix

 

Ludouicus Franciae rex XIV

 

Ludouicus Franciae rex XV

 

Ioanna Antonietta Piscis Pompadorensis

Maria Antonietta Franciae regina

Napoleo Bonapars

Ioanna Augustina

Volfgangus Amadeus Mozars

etiam de Latine reddendis aliquibus nominibus Anglicis huius libri pagina 57.

ab alio artifice autem sancta Maria Dei mater

quae epistola prima pittacio missa est

 

in hoc tractatu refertur quod omnium per cursum publicum pittacio missarum litterarum prima erat epistola quam Gulielmus Blencinsopus anno 1840 in Anglia accepit.

 

 

qui homines non Catholici erant sed sanctam Missam Tridentinam conseruari uolebant

  

de iis Iosephus Scegus philosophiae doctor hic disserit praecipue arbitratus quod ii quippe qui artes litterarias uisuales musicas et ceteras tales colebant sanctam Missam Tridentinam quippe quod earum artium opus magnum est perire nolebant.

Zeldaidis carmina

carmen principale hic et hic (4:35-6:18) et hic et hic et hic et hic et hic et hic est.

labyrinthi carmen hic est.

labyrinthi carmen et carmen principale hic sunt.

ludi primi carmen finale hic est.

ludi secundi carmen initiale hic est.

palatii carmen hic est. 

piscis uentosi carmen hic et hic et hic est.

Zeldae carmen somnificum hic et hic et hic et hic et hic et hic et hic est.

mundi tenebrosi carmen hic et hic est.

uallis Gerudonicae carmen hic et hic et hic est.

Benedicti papae XVI renuntiatio

 

scholares qui de Benedicti papae XVI renuntiatione disseruerunt Anna Bernarda hic et Alexander Magister hic memorant.

 

etiam exhibet hic Anna Bernarda imaginem huius epistolae in qua Benedictus papa XVI anno 2022 nomen "cum benedictione apostolica mea" quam Anna pontificis summi propriam dicit subscribit.

 

 

 

sancti Thomae apostoli dies

 

de hoc die quo sanctus Thomas apostolus colitur disserit Ricardus Cipolla sacerdos hic et Ioannes Zulsdorfus sacerdos hic et Anna Bernarda hic.

loca in terra sancta

 

de Nazara hic et de locis aliis hic.

cardinalium quaestiones et synodus

 

Raimundus cardinalis Burcus hic quaestiones quas ipse et quattuor alii cardinales ad Georgium Bergolium miserunt exhibet. eae quaestiones in duabus formis missae sunt quarum hae nouiores sunt:

 

1. potestne Ecclesia hodie doctrinas iis quas in fidei et morum rebus siue pontifice summo ex cathedra loquente siue in concilii oecumenici definitionibus siue episcoporum per mundum explicatorum magisterio ordinario uniuersalique antehac docuit contrarias docere?

 

2a. possuntne res se ita habere ut pastor hominum homosexualium unionem benedicere possit qua benedictione haec sententia tradatur quod homosexualia agere per se Dei legi et hominis ad Deum itineri contrarium non sit? 

 

2b. etiamnuncne stat haec quae magisterio ordinario uniuersalique sustentatur doctrina quod quicumque actus uenereus extra conubium ac praesertim homosexualis agitur eo actu constituitur peccatum obiectiue graue contra Dei legem, quocumque modo res in quibus is actus agitur se habent et quicquid is qui agit in animo habet?

 

3. adhibebitne episcoporum synodus quae Romae agetur et cui sola pastorum et fidelium pars ut pro uniuersis agat electa inest in rebus doctrinalibus uel pastoralibus de quibus ut sententiam suam exponat rogabitur Ecclesiae imperium summum quod pontificis summi et episcoporum una cum capite suo collegii proprium est? 

 

4. poteritne tempore futuro Ecclesiae esse facultas qua ordinatio sacerdotalis feminis conferatur quae collatio huic thesi quod ea huius sacramenti reseruatio qua solummodo uiris baptizatis confertur ad ordinum sacramenti substantiam ipsam quam Ecclesia mutare non potest pertinet contraria sit?

 

5. potestne homo qui peccata confitens quamquam peccatum fatetur tamen non iterum faciendi eius consilium capere totus denegat absolutionem sacramentalem ualide accipere?

 

ad quaestiones hic respondi.

 

Dominicus cardinalis Duca ut Ioannes Zulsdorfus sacerdos hic refert alias quaestiones misit. de eo alia hic.

 

Iosephi cardinalis Zeni epistola in eo blogo qui "Rorate caeli" dicitur hic legi potest et sententiae hic memorantur.

 

Ioannes cardinalis Sannoualis Ignatiades cuius historia hic narratur hic dicit "auctoritas doctrinalis pontifici summo uel episcopatui uniuersali una cum pontifice summo inest. synodus autem solas facultates pastorales habet; nam ei curandum est ut fidelibus quorum cura pastoralis ad eam pertinet Euangelium optime adhibeatur. ea autem auctoritatem doctrinalem non habet." 

 

et de synodo alia hic.

Robertus Barro episcopus ad Augustinum Iuereum respondet

 

Robertus Barro episcopus hic ad Augustinum Iuereum de euangelizatione et proselytismo et ecclesia et se respondet.

caffeum

 

quomodo caffeum corpus afficiat hic.

linguae Latinae pronuntiatio

 

Ioannes Zulsdorfus sacerdos Andreae Iosephi Leonardi archiepiscopi de hoc quomodo lingua Latina inter uarias gentes pronuntietur allocutionem hic exhibet.

Gerhardus cardinalis Molinarius

 

hic ab Ioanne Zulsdorfo sacerdote refertur disseruisse quomodo pontifex summus ad ecclesiam et episcopos se habeat: "ex doctrina Catholica pontifex summus haudquaquam ecclesiae dominus est sed tantummodo ut qui Christi locum in ecclesia oecumenica tenet minister primus Domini sui quem Simoni Petro qui hanc sortem modo acceperat ut ecclesiae saxum fieret dicere decuit 'i post me [Italice indietro i.e. indietrismus uerus] propterea quod non ea quae Dei sunt sed ea quae hominum sunt sapis' [Matthaei 16.23]. pontifici summo nulla est a Christo potestas qua episcopos bonos, qui exemplum Christi pastoris boni imitantes Dei gregem in Christi nomine ex ea idea quae concilio oecumenico Vaticano secundo episcopis proposita est sanctificant docent ducunt, is ideo minis et terrore commoueat quod amici falsi hos episcopos bonos quasi pontificis summi inimicos Francisco deferant dum episcopi haeretici et scelesti quicquid uelint facere possint uel qui Christi ecclesiam nescioqua alia stultitia quotidie uexent."

 

hic ad Dianae Montanae quaestiones respondet:

 

 

Zeldais

 

de Zeldaide tractatuum index.

pars communistica Sinensis

 

in hoc tractatu narratur historia sacerdotis qui ex partis communisticae Sinensis regulis scelus fecisse iudicatus est et ex iis regulis nonnullae memorantur. exempli gratia "quae societates cultum diuinum prouehunt eae normas et modos operandi partis communisticae Sinensis ac nationales leges constitutiones regulas clero et ciuibus qui diuinum colunt diuulgare debent ut clero et ciuibus qui diuinum colunt praecipiant et imperent ut regimini partis communisticae Sinensis faueant et systemati socialistico faueant et uia socialismi mores Sinenses habentis eant..."

 

raedae nouiores

 

raedae nouiores hic referuntur de iis qui ipsis utuntur multa aliis scienda colligere.

in sancta Missa canere

 

interdum Catholici etiam ii quibus de rebus liturgicis plerumque consentio hanc thesin prouehunt quod in sancta Missa omnes canere oportet cui thesi autem aduersor quippe qui canendi artem non habeo sed eos qui eam artem habent auscultare mauolo et ad transcendentalia me alieno magis quam meo cantu duci sentio. ergo mihi placet hic tractatus in quo Iacobus Baresellus eorum "qui credere uidentur quod sanctae Missae assistendi causa est canere canere iterum canere" tractationem criticam memorat et dicit "canendo optime precari non omnium hominum est sed ad animi temperamentum uel habitum pertinet."

aliqui qui totalitarianismi operationem passi sunt

 

sacerdos qui in Nazistarum castris carcereis tentus erat aliqua hic narrat. 

 

Ignatii cardinalis Congi historia hic narratur.

 

Iosephus Vlma et Victoria uxor et filii et filiae qui, ut hic refertur, omnes ab Nazistis interfecti sunt beati dicuntur.

institutio liberalis et lingua Latina

 

huius tractatus theses: grammatice aliis scientiis fundamento est; grammaticen pauci danda linguae maternae opera intellegere possunt; ab anno 1963 et gradus quos Americani in tentatione Americana regulari merent lapsi sunt (cf. hic) et discipulorum qui linguae Latinae operam dant numerus lapsus est.

 

huius tractatus theses: ante hoc aeuum institutionis causa finalis erat homines uirtuosos fabulis et exemplis facere etiam non technarchas sed duces edere.

aliqui artifices et opera

 

disserit hic Naeelia Riana de Feminis aulicis, hic autem Dionysius Longineccer sacerdos de Dauide, hic autem Lucianus Guisianus et hic Mariola Haringtona de Ioanne Marino.

pars communistica Sinensis

 

Victor Dauidides Ioannides in hoc tractatu rogat quomodo res se habeant si Americani ea quae pars communistica Sinensis facit faciant.

de eo quod est in schola operari

 

cur philosophiae doctores in scholis quae modo antiquiori geruntur docere oporteat hic.

 

Thomae Caroli de scholis Catholicis operaque sua sententiae hic.

 

de octo regulis ad discipulorum decanum pertinentibus hic.

quidam qui ex Russia fugerunt

 

historia hic uiri feminaeque qui minas communisticas effugerunt.

"id quod"

 

Ioannes Zulsdorfus sacerdos hic de iis uerbis quae "id quod" sunt disserit quomodo ea optime Anglice reddi possint.

Ioannis Henrici cardinalis Neandrini Latinitas

 

Ioannes Henricus cardinalis Neandrinus olim rerum de quibus scriberet uel scripserat indicem conscripsit. ei indici inest "descriptio uillae Neandrini"--ubi Ioannes cognomen Latine reddit--et "Vellesleius picturas etc recuperat Napoleone expulso" et "Napoleo ad sororem suam" et "proelium Vaterlooanum"--ubi res saeculi undeuicesimi Latine memorat.

 

in oratione autem Latina quam in aula Orielensi habuit pro nominibus Anglicis quae "Bulter" et "Raleigh" et "Holt" sunt Butlerum et Raleium et Holtium dicit.

 

("The Letters and Diaries of John Henry Newman" vol. 1, 1978)

sanctus Maximilianus Colbius

 

de sancto Maximiliano Colbio Ioannes Zulsdorfus sacerdos hic et Ionas Ioannides hic disserit. 

 

sancte Maximiliane, ora pro nobis!

feminae contra feminismum

Virginia Cauda Nuntians hic: "[feminae] in consortio humano pars quae agenda est et opus quod efficiendum est...non est per munerum cursum se promouere et cum uiris de potestate contendere."

 

Angela Ericis autem hic contra feminismum disserens has theses tenet quod natura feminina per maternitatem plenissime exprimitur et quod feminismi radix est feminas hortari ut extra domum munere fungantur.

 

Sara Caina autem hic profitetur "homines apparantur ut datum regimine masculino ordinem accipiant sicut instrumenti electronici fila metallica ad exsequendum opus uel programma constituuntur. eum ordinis sensum expetimus eoque orbati patimur."

 

Catharina Ioannis Aurea autem hic de quibusdam huius aetatis rebus malis praesertim quod multi homines uel se nescire dicunt uel dicere nolunt quid femina sit: "mirabiturne quisquam si tibi dixero nos feminas in culpa esse? ab Eua continue nobis est potestas egregia qua nos noxa afficimus. et hi quinquaginta anni praeteriti egregie calamitosi sunt quibus ex iis appetitibus innatis quos nos uniuersae habemus saepe euenit non creatio sed deletio non facultas addita uel aucta sed clades quam nobis intulimus."  

 

Carola Gressa autem philosophiae doctrix hic: "feministriae primae exempli gratia Maria Vollistonicrafta et Elisabetha Cadia Stantonia et Susanna Brunella Antonia quaestionem non idoneam posuerunt. nam hae hodopoeae feministicae rogauerunt non 'quomodo feminas in eo quod feminae sunt meliores facimus?' sed 'quomodo feminas uiris similiores facimus?' hic gradus falsus primus ad longam graduum falsorum seriem tulit....[creata est] in cogitando categoria noua generis hominis in quo prioritatem habenti quasi in tabula rasa masculus aut femina delineetur."

sex regulae quibus hominem se gerere oporteat

 

proponuntur hic sex regulae quibus hominem se gerere oporteat:

 

1. sal et piper una tradere

 

2. cubitum mensae non imponere

 

3. si alii tibi propinant te non bibere oportet

 

4. alium digito indice non monstrare (alibi doctus sum manum totam adhibendam esse)

 

5. si alius tibi gratias agit oportet respondere non "nihil problematis" sed "gratum est" uel "mihi placet".

 

6. raedae ianuam manu ulteriore aperire 

 

dignae quae considerentur.

ad curandum corpus

 

utrum oua prosint hic.

 

quod circiter 8,000-10,000 gressus quoque die ambulare prodest hic. similiter hic.

potiones quae optime hydrent hic: lac et sucus aurantius ualde prosunt.

philosophae?

 

feminaene has litteras re uera scripserunt: Ioannis Stobaei Anthologii locos 1.49.27 et 3.1.120 et 4.23.61 et 4.23.61a et 4.25.50 et 4.28.19? Iulius Pollux autem in Onomastico 10.21 Theanonem memorat.

Ioannis Risti professoris sententiae

 

Ioannes Ristus professor hic ad Eduardi Pentini quaestiones respondens dicit hanc esse problematum ad hoc aeuum pertinentium causam quod per hos ducentos annos potestas nimia pontificatui summo accessit.

 

Anna Bernarda autem hoc respondens in hac sententia perseuerat quod Georgius Bergolius pontifex summus nec nunc est neque umquam erat ita ut necesse non sit pontificatus summi potestatem recognoscere.

 

etiam autem si Georgius Bergolius pontifex summus non est tamen mihi haec quaestio indagatione digna uidetur utrum pontificatus summi potestas per hos ducentos annos aucta ecclesiae prosit necne. nec mihi uidetur necesse ut ea quaestio proposita pontificatus summi infallibilitati uel ulli alii quod fide tenendum est contraria periculosaue sit.

rerum uenerearum tractatio Christiana

 

quomodo de rebus ueneriis sanctus Paulus et postea fides Christiana ab aliis cogitandi modis differat Cylus Harper hic disserit. praesertim memorat Paulum haec docuisse quod uirginitas conubio antehabenda est et quod uenerea agere nisi in conubio non licet. etiam dicit iis dogmatibus Christianis inesse hanc sententiam quod omnium hominum integritas sexualis honoranda est et uenerea in fide Christiana quam in deorum cultu uel in philosophiae scholis antiquis multo maioris momenti esse.

quod Christiani etiam ab saeculo primo rebus contraconceptiuis iamdudum aduersantur disseritur hic. quod ad sententias in eo tractatu memoratas pertinet, Iustini quidem martyris sententia in hoc libro Graece in columna 373 et Latine in columna 374 "uel nullatenus matrimonium inibamus nisi ad educandos paruulos uel matrimonium recusantes integre nos continemus" Clementis autem Alexandrini sententia in hoc libro Graece in columna 505 et Latine in columna 507 "semen non abiiciendum est neque iniuria afficiendum nec profecto in cornu serendum" legi potest. et quod C. S. Ludouicus sciebat quid de rebus contraconceptiuis Christiani semper docerent disseritur hic.

 

de eo quod ecclesia de rebus contraconceptiuis infallibiliter docet disserunt E. Christianus Brugger et Ioannes Finnis philosophiae doctores hic et hic; cf. hic. 

 

hic autem disseritur quibus ex causis progeniei mora naturali uti liceat.

 

etiam hoc.

communistae Sinenses

 

communismum odi sed de communistis Sinensibus hoc et hoc lecto fatebor quod ii aliis se ea quae sibi non prodesse putant facere iubentibus se non subiiciunt. immo uitam esse "ludos esuriales" scientes ludunt ut uincant. et ut hic refertur, communistae Sinenses feminismo resistunt, ita ut aliquis dixerit eos patriarchiam suam dissimulare ne conari quidem. quam ob rem ego iterum dico eos uincere scire. communistae quidem Sinenses huius Iesu Christi domini nostri sententiae exemplo sunt quod huius saeculi filii lucis filiis in eorum generatione prudentiores sunt (Lucas 16.8). tamen utinam communistae Sinenses mox uincantur uel potius lucis filii fiant!