de eo quod hosanna Hebraice dicitur

 

id quod hosanna Hebraice dicitur, ut hic et hic refertur, ex uerbis quae "saluum fac nunc" significant compositum tali modo adhiberi coepit ut animum gaudiosum laetumque exhiberet. sanctus Thomas Aquinas in catena in Ioannem dicit "hosanna, benedictus qui uenit in nomine Domini, rex Israel. Augustinus. hosanna uox est obsecrantis magis affectum indicans quam rem aliquam significans, sicut sunt in lingua Latina quas interiectiones uocant. Baeda. est autem compositum ex corrupto et integro: hosi enim 'salua', anna obsecrantis est interiectio. hosi corruptum, anna est integrum." et, ut hic refertur, Gulielmus Durandus in Rationali diuinorum officiorum dicit "hosanna, quod est uerbum Hebraeum et significat salua obsecro; supplendum est populum tuum uel totum mundum. compositum quidem uerbum est ex osi quod interpretatur saluifica et anna quod est apud Hebraeos interiecte obsecrantis motum animi significans sub deprecantis affectu. integre ergo dicitur osianna quod nos corrupta i uocali littera et elisa dicimus hosanna quod facimus ex ignorantia aut scienter synalephantes uocalem elicimus prout in metris fieri consueuit. dicitur autem bis hosanna in excelsis propter duas partes salutis quae sunt stola mentis et stola carnis quibus sancti beatificantur in gloria ut uidelicet anima et corpore saluati inter angelos deputemur in excelsis, id est altis, scilicet in caelo. reperitur autem hic uersiculus in psalmo 117; quod enim turbae dixerunt hosanna, hoc est quod hic dicitur: o Domine, saluum me fac" (4.34).

Biblia sacra

 

memoratur hic utrum moechae historia ex origine in Ioannis euangelio fuerit et utrum Danielis libri partes Graece scriptae sint, cf. hic et hic.

adorationis lingua

 

Antonius Esolenus philosophiae doctor hic (cf. hic liber): "per totam uitam audiui quod ut Iesus sermone patrio suo precatus est sic nos nostro precari oportet" sed "si Iesus apostolique in cena ultima psalmum cecinerunt poema non simpliciter Hebraicum erat sed linguae Hebraicae generis poetici quod non erat id quod quando psalmi componebantur tum in historiis uel uiis publicis adhibebatur."

filioque

Michael Folius philosophiae doctor hic argumentatur quod symbolum Latinum "filioque" habens et symbolum Graecum non habens cum eorum sententiarum uerba et syntaxis considerantur inter se contraria non esse uidentur. etiam memoratur hic tractatus Marci Bonicordis.

epistola de sancta Missa et lingua Latina

in hac epistola Ericus Cunelt-Leddinensis argumentatur in sancta Missa linguam Latinam unitatem efficere et nationalismum superare. etiam dicit quando lingua Latina in sancta Missa in linguae Graecae loco adhiberi inciperet linguam uulgarem in linguae ad eruditionem pertinentis locum assumptam esse. ad eam sententiam admiror quid sit quod Christina Mormanna et alii respondeant.

"id quod"

 

Ioannes Zulsdorfus sacerdos hic de iis uerbis quae "id quod" sunt disserit quomodo ea optime Anglice reddi possint.

id quod "cis" Anglice dicitur

 

Ioanna Rolanda de eo quod hoc aeuo "cis" Anglice dicitur hic dicit:

"sermo ideologicus est, cui in ideam quae empirice reprobari non potest hanc quod homini praeter sexum genus sexuale est credendi significatio inest. tu in essentias indemonstrabiles quae corpori sexuato congruere uel non congruere possunt credendi ius integrum habes, sed ceteri dissentiendi et sermonem specialem tuum assumere abnuendi ius habemus."

lingua Latina in sancta Missa

 

Petrus Quasneuius philosophiae doctor hic disserit praesertim quod quod genus linguae Latinae in sancta Missa adhibetur id genus haudquaquam uulgare est.

res ualde antiqua

 

inuentus esse hic refertur pecten 1700 fere annis ante Christum natum factus cui inscripta est haec sententia "eradicet hic dens pediculos comae et barbae". probabile quidem est quod omnium quae integrae et litteris abecedariis Canaaniticis scriptae hac aetate notae sunt sententiarum ea antiquissima est.

lingua Aramaica

 

in huius cinegrammatis parte ultima audiri potest id quod aliqui existimant linguam Aramaicam fuisse.

aqua iuniperea et tonica

 

hic referuntur multa de aqua iuniperea et tonica.

 

hic de eius potionis uocabulo Anglico Ioannes Zulsdorfus sacerdos disserit quid plurale sit.

Pechini nomen Anglicum

 

hic disseritur quibus nominibus Pechinum Anglice dicatur.

mercatores

 

illud carmen in Tetride adhibitum.

colores apud Graecos

hic disseritur de iis uerbis quae in lingua Graeca colores significant.

linguae in Heluetia

hic disseritur de linguis quae in Heluetia in usu sunt.

lingua Aramaica

in hoc tractatu de lingua Aramaica et iis qui ea loquuntur disseritur.

ea autem quae ibi a sacerdote de lingua Aramaica dicta esse referuntur ad alias quoque linguas pertinent: "si linguam nostram conseruamus historiam nostram et actu esse conseruamus. ubi est lingua ibi est populus et hereditas et cultus. si autem haec hereditas nullatenus conseruabitur, quod ad societatem pertinet, conficiemur."

de linguae Anglicae antiquae formis passiuis

"Jespersen 'A Modern English Grammar on Historical Principles' 1909-49 2:99"

"Mustanoja 'A Middle English Syntax' 1960, 438"

"Kisbye 'An Historical Outline of English Syntax' 1972, 133"

"Traugott 'A History of English Syntax' 1972, 82-83"

"Mitchell 'Old English Syntax' 1985 1:pp.789-801"

"Posse 'The Passive in Early Modern English' Atlantis 1993"

quaeritur utrum eae formae passiuae quae beon uel wesan uerba adhibent et eae formae passiuae quae weorþan uerbum adhibent inter se differant necne.

quando lingua Latina in Francia lingua materna esse desierit

in hoc tractatu tractatur, ubi de formis passiuis quoque multa disseruntur.