paruulorum et adulescentium et iuuenum institutio

 

quod in uniuersitate Columbiana discipuli sic instituuntur ut de quibus rebus nihil sciunt de iis rebus quasi scientes loquantur hic dissertatur.

quod in scholis Catholicis hi libri legendi sunt: sanctorum uitae et patrum antiquorum qui in solitudine incolebant sententiae et fidei Christianae ortus et Blasii Pascalis sententiae et Alexandri Papae de homine epistola prima hic dissertatur.

Iosephus Ioannides multas theses praesertim quod paruulorum institutio atheistica nihil prodest hic proponit.

de usu et abusu aliquarum inuentarum indagatione rerum hic dissertatur.

quod Dorothea Sigaria quae "Discendi instrumenta amissa" librum conscripsit triuium antiquum et ea quae de paruulorum progressu comperta erant coniunxit hic dissertatur.

episcoporum sententiae

Roberti Mutsartii episcopi epistola ad papam Leonem XIV palam missa hic est.

Mariani Elegantis episcopi sententiae hic sunt.

quatenus fontes litterarii credibiles sint

in eo blogo qui Nouus Motus Liturgicus appellatur saepe tractatur haec quaestio quatenus fontes litterarii credibilitatem habeant exempli gratia hic et hic.

nonnulla uocabula

 

de participii usu: "legem dantem" "legem accipientem" hic.

de eo quod est assumere hic.

de eo quod est tectum hic: in ea sancti Stephani ecclesia quae in monte Caelio est hoc parti excelsae inscriptum est: "aspicis auratum caelesti culmine tectum astriferumque micans praeclaro lumine uultum".

ubi Pius papa XII de autobirotarum usoribus scripsit hic et hic in paginis 221-222.

de arbitrio et uoluntate hic.

de ideologia hic.

de eo quod est "supra" hic. ex hoc autem noto "posuisti, Domine, super caput eius coronam de lapide pretioso" et ex hoc et hoc "super sellam" et ex hoc et in huius datothecae pagina 19 "super sedile" et ex hoc "super craticulam".

de comprehendo sanctus Thomas Aquinas: "comprehensio nihil aliud nominat quam tentionem alicuis rei iam praesentialiter habitae sicut aliquis consequens aliquem dicitur eum comprehendere quando tenet eum" (IaIIae.4.3) quod hic Anglice redditur: "comprehension means nothing but the holding of something already present and possessed: thus one who runs after another is said to comprehend [In English we should say 'catch.'] him when he lays hold on him."

uiri et feminae

 

in hoc cinegrammate Christina Gratia Fabra et eius cinegrammatis de quo loquitur relator de natura uirili femininaque et de aliis rebus multa memoria digna dicunt praesertim de ducendo ordineque 34:54-38:53 et de creandi facultate 43:53-49:42 et de eo quod est aliis usui esse 49:49-51:27.

libri quos legere uolo et alienae de iis opiniones

 

de sancto Thoma Moro: liber et opinio

de huius saeculi martyribus: liber et opinio

de iis quae in ecclesia post concilium Vaticanum secundum facta sunt: liber et opinio et opinio

de sancta Missa Latina liber et ad opiniones nexus

de sacramentis et ritibus: liber et opinio

de Romanitate liber et opinio

de Gulielmi Saxperi operibus et scholaribus: liber et opinio

de sexibus: liber et opinio

de normarum sexualium euersione: liber et opinio

de puellis: liber et opinio

de genere sexuali: liber et opinio

de Anglia libri et opiniones

de historia fidei Christianae et Christianis libri et opiniones

quid in Castris Septensibus factum sit

 

Nathanus Pincouius hic analysin exponit.

lingua Latina in ecclesia

 

Dauid Berger theologiae doctor hic Anglice redditus in eo blogo qui "Rorate caeli" appellatur refert quod Franciscus Capitulus comperit quod plures quam 65 partes centesimae cardinalium Latine nesciunt. Dauid scribit "pertinet quaestio haec possitne ecclesia ea quae ipsa accepit fideliter tradere si ii quibus mandatum est ut eam haereditatem protegant ad eam linguam qua tanta illius haereditatis pars tradita est accessum immediatum non iam habent." pertinet autem problema hoc quod ex iis quibus per munera ecclesiastica mandatum est ut ecclesiae haereditatem protegant multi illam haereditatem contemnunt.

paruulorum et adulescentium institutio

 

de paruulorum institutione sententiae Catholicae hic.

quomodo indigetur ut uiri praeceptores sint hic.

de institutione arithmetica hic.

quomodo Platonis Rem publicam doceri oporteat hic.

sancti Ignatii Loeolani sententia

 

Anna Bernarda hic scribens mihi notam hanc sancti Ignatii sententiam fecit: "hostis [Satanas] feminae similiter agit quod contra uoluntatem suam debilis est sed ualidus solummodo in cupidine est. nam ut feminae cum uiro iurgantis natura est fortitudinem amittere ac fugere quando ei uir se audacem exhibet sed si uir fortitudinem amittere et fugere incipit feminae furor et odium et ferocitas ualde magna fit et omnes fines superat sic eodem modo hostis nostri natura est labefieri et fortitudinem amittere ita ut eius illecebrae fugiant quando homo qui se in rebus spiritalibus exercet quasi antipodum modo contra illecebras agens iis se audacem exhibet sed si is qui se exercet illecebram subiens timere et fortitudinem amittere incipit in terrae facie non est tam ferox bestia quam naturae humanae hostis consilia maligna malitia semper crescente exsequens." (exercitia spiritalia, de discernendis spiritibus, regula duodecima)

philosophiae morali minae illatae

Laurentius Chappus theologiae doctor hic dissertans quomodo Vincentius Palius archiepiscopus se theologiam moralem mutare uelle hic professus sit arbitratur quod Vincentius et alii similiter cogitantes postulant ut, ut summatim dicatur, in actuum consideratione utrum actus bonus an malus sit eius qui agit habitus eius quod agitur naturae antehabeatur fortasse etiam adeo ut eius quod agitur natura nullatenus consideretur. porro quae pericula Vincentius philosophiae morali infert de iis periculis Robertus Baro episcopus hic scribit.

de eo cogitandi modo quo hominis habitus actus naturae antehabetur Catharina Laurentia Mola philosophiae doctrix hic argumentatur quod talis cogitatio in Ioannis Pauli papae II (Veritatis splendor 71-73) Benedictique papae XVI (Deus caritas est) Georgiique Bergolii (Amoris laetitia 305) operibus et in iis concilii Vaticani secundi litteris quae "Dignitatis humanae" (2-3) appellantur inueniri potest. talem cogitationem Catharina etiam Cartesianam esse arbitratur.

Ioannes Grondelius autem philosophiae doctor hic etiam quasdam minas philosophiae morali factas dissertat quod hominis indiuidui contra regulam agentis excusatio iterum atque iterum proposita ad hoc fert ut regula annihiletur. haec est, ut mihi uidetur, pars eius problematis quod Laurentius et Catharina dissertant quod non ab actu sed ab homine bonitatis et malitiae consideratio initium capiat.

Iosephi cardinalis Ratzingri sententiae de sancta Missa uetere et noua

 

ex Petro Quasneuio philosophiae doctore et Ioanne Zulsdorfo sacerdote epistola in qua Iosephus cardinalis Ratzinger docet "memoratu dignum est quod quo modo missale nouum illatum est is modus ab ecclesiae consuetudinibus legalibus institutis deficit" et "ex altera parte missalis noui problema in hoc subsistit quod id ab hac rerum priorum serie quae et ante et post Pium V perstiterat deficit et librum totum nouum (tamen materia uetere fabricatum) creat. eo porro illato illud quod prius ortum erat quodam modo sic uetitum est ut numquam aetatibus prioribus quicquam in ecclesiae lege et liturgia uetitum erat. ex ea scientia quam de concilii disputationibus habeo et orationibus quas patres conciliares tunc habuerunt iterum lectis certo profiteri possum hoc illis in animo non fuisse."

harum ciuitatum foederatarum origo iterum et aliae res politicae

 

illa in eo quod nouissimum imposui memorata thesis etiam hic defenditur. contra eos autem qui exempli gratia hic ex parte politica sinistra harum ciuitatum foederatarum conditores uituperant est haec responsio. eorum autem qui ex parte politica dextra harum ciuitatum foederatarum conditores uituperant exemplum est hoc et in thesi tricesima prima hic. hic autem defenditur thesis quod is qui liberalismus hodie appellatur neque eorum qui has ciuitates foederatas condiderunt philosophia erat neque ex eorum philosophia ex necessitate oritur. Leonis autem papae XIII sententiae hic sunt.

de libris ad res politicas pertinentibus hic et hic.

de muneribus Seattuli amissis hic et eius populo hic.

de aliquibus rebus ad morbum couidicum pertinentibus hic et hic et hic et hic.  

haec sunt aliqua quae progressiuistae nuper dixerunt scripserunt fecerunt. Iasmina Crocita ut hic et hic refertur in blatiendo perseuerat. Antonia Marraria hic "uiolentiam eorum actuum quibus homo domo conducticia expellatur" memorat. uir qui se feminam putat, ut hic refertur, existimat se quippe qui carmina scribat senatoratu dignum esse. Andreas Brianides de ea quae "quando politia euerti incepta erit prima ad murum" ponetur scripsisse hic refertur. de Darialisa Auila Caballaria hic et hic. de femina quae quisquiliarum receptaculum furata est hic et hic. de Iacobo Talarico hic et hic et hic. de Timotheo Valtio gubernatore Minnesotano qui uiro qui puellam stuprauerat poenam remisit hic.

ex hoc et hoc refertur Ioannes Haltestedus qui antea alii uiro quondam amatori minatus esse iudicatus erat nuperius uiolentiam scholae Catholicae et gubernatoris Nebrascani progeniei minatus esse.

contra eos qui in has ciuitates foederatas contra legem uenerunt actio hic et hic refertur. in huius relationis pagina 23 refertur quod populi Americani 80 quidem partes centesimae uolunt eos qui dum in his ciuitatibus foederatis contra legem sunt aliud scelus fecerunt expelli. est etiam haec relatio.

ut hic refertur, in Noua Caesarea 6600 homines qui ciues non sunt eorum quibus suffragari licet matriculae inscripti sunt et 400 suffragati sunt.

ut hic refertur, aliqui qui societatem progressiuisticam ducebant dicuntur pecuniam aliis qui in extremae partis politicae dextrae societatibus erant dedisse. alia autem femina quondam Arcadiae oppidi Californiani dux hic refertur pro communistis Sinensibus egisse.

Michael Ioannides hic de aliquibus partis politicae sinistrae fautoribus refert.

sententiae de relatione per uniuersitatem Yalensem meam edita hic.

harum ciuitatum foederatarum origo

 

est thesis quod altera series actuum quibus coloni Americani se Angliae rege separauerunt et altera series actuum quibus Franci feudalismo finito politias nouas condiderunt inter se ualde dissimiles erant. quae thesis exempli gratia hic et in eo libro quem Petrus Volfgangus hic memorat et ab Friderico Gentio aliisque qui hic memorantur et hic a Roberto Matthaeo defenditur.

Clarentii Thomae iudicis sententiae

 

de casibus nuperrimis sententias exponit Clarentius Thomas iudex in huius datothecae paginis 28-35 "ii qui ciues non sunt nulla protectionis aequalis iura apud apud politiam foederalem habent" et in huius datothecae pagina 35 "quod uir se feminam esse credit non ideo ei est in lege ius quo contra feminas contendat" et in pagina 36 "uiri et pueri dysphoriam generis sexualis nec feminae nec puellae sunt etsi se esse credunt. nam sexus immutabilis naturae humanae pars 'biologica' est....dyadicus est, et uir femina puer puella uocabula sunt quae ad utriusque sexus homines adultos et paruulos se habent....lingua autem uti ut res uerae obscurae fiant--'curae absentiam erga ueritatem' exhibere--populo mentiri est et desinere conciues 'ut aequales' tractare" quam sententiam a Iosepho Pipero (linguae abusus potestatis abusus 17, 21) sumit. scilicet transgenerismi fautores dicent Clarentium quippe qui solum de sexu loquatur et de genere sexuali nil cogitet errare sed ego dico Clarentium modo idoneo loqui; nam nullum est genus sexuale. in huius autem datothecae paginis 93-96 Clarentius narrat quomodo aliqui in his ciuitatibus foederatis nati ciues non existimati sint.

Ioannes Piscator episcopus et Thomas Morus et alii martyres

Ioannes Zulsdorfus sacerdos hic refert quod hodie Ioannem Piscatorem episcopum et Thomam Morum colere in liturgia uetustiore licet.

etiam, ut hic et hic refertur, uiginti sacerdotes qui in Hispanorum bello ciuili ex fidei odio interfecti erant martyres declarati sunt.

hoc scribens etiam didici de Roberto Pretio qui in Anglorum bello ciuili pro rege militabat et in huius libri pagina xi hoc modo interfectus esse narratur: Caluinistis se dedere coactus et ab iis rogatus "esne Pretius papista?" respondit "Pretius Catholicus Romanus sum" et statim interfectus est.

supplicium ultimum

de eo Eduardus Feser philosophiae doctor, hic ut solet, optime argumentatur. 

in Britannia Mahumetistae et alia problemata

 

huic relationi hic (cf. hic) dicitur inesse sententia quod eorum qui in Britannia per hos quinquaginta annos puellis modo uenereo abusi sunt plerique Pacistani et Mahumetistae sunt.

ea res hic quoque memoratur.

memoratu digna

aliqua quae Ioanni Zulsdorfo sacerdoti animum tenent me similiter afficiunt. etiam hic ubi aliquid scripsi. 

Anna quoque Bernarda aliquid memoratu dignum imposuit.

de Eusebio Caesariensi hic et de Ioanne Sobiscio Poloniae rege hic.

Eduardus Habsburgensis sanctam missam hic dissertat.

intellegentia artificialis

de intellegentia artificiali non satis scio ut iudicare possim utrum ea quae in hoc tractatu dicuntur uera sint sed eius thesin memoratu dignam iudico quod intellegentia artificialis nec uerum quaerit nec re uera intellegere potest neque ad essentias pertingit.

hic autem dissertatur quaestio sitne intellegentia artificialis conscia.

alia ad intellegentiam artificialem pertinentia Franciscus Maior in Principiis hic dissertat.

sancti Irenaei epistola ad Florinum

 

sancti Irenaei ad Florinum epistola quae hic memoratur in Eusebii Caesariensis historia 5.20 inueniri potest: "haec uero dogmata, Florine, ut parcissime ac leuissime dicam non sunt sanae doctrinae. haec dogmata dissentiunt ab ecclesia et in maximam impietatem eos coniiciunt qui illis assentiuntur. haec dogmata ne ipsi quidem haeretici extra ecclesiam positi proferre umquam ausi sunt. haec dogmata hi qui ante nos uixere presbyteri qui etiam apostolorum discipuli exstiterant nequaquam tibi tradiderunt. uidi enim te cum adhuc puer essem in inferiore Asia apud Polycarpum splendide agentem in palatio et magnopere laborantem ut te illi approbares. etenim ea quae tunc temporis gesta sunt melius memoria teneo quam illa quae nuper acciderunt. quippe ea quae pueri didicimus simul cum animo ipso coalescunt eique penitus inhaerent. adeo ut et locum ipsum possim dicere in quo beatissimus Polycarpus sedens disserebat processus quoque eius et ingressus uitaeque totius formam et corporis speciem sermones denique quos ad populum habebat et familiarem consuetudinem quae illi cum Ioanne ut narrabat et cum reliquis qui Dominum ipsum uidissent intercesserat et qualiter dicta illorum commemorabat et quaecumque de Domino ab iisdem audierat. de miraculis quoque illius ac de doctrina prout ab iis qui uerbum uitae ipsi conspexerant Polycarpus acceperat eodem prorsus modo referebat in omnibus cum scriptura sacra consentiens. haec ego diuina mihi largiente clementia tunc studiosus audiebam non in charta sed in corde meo audita describens eademque per Dei gratiam assidue repeto ac reuoluo. et in conspectu Dei affirmare possum beatum illum et apostolicum presbyterum si quid eiusmodi umquam audisset exclamaturum continuo et obturatis auribus suis dicturum fuisse prout ipsi moris erat 'Deus bone, quae me in tempora reseruasti ut haec sustinerem!' atque ex loco ipso aufugiturum in quo seu stans seu sedens eiusmodi sermones audisset. sed et ex epistolis illius id liquido comprobari potest quas ille partim ad uicinas ecclesias ut eas confirmaret partim ad quosdam ex fratribus misit admonens illos atque exhortans."

aliqua quae facta sunt

 

contra eos qui in has ciuitates foederatas contra legem uenerunt populi Americani ministri agere perseuerant. exempli gratia hoc et hoc et hoc et hoc.

pueri qui se puellas appellant in ludis athleticis puellarum uerarum loca surripiunt. exempli gratia hoc et hoc.

quomodo progressiuistae erga homines diuites se gerant et quomodo diuites praesertim fugiendo respondeant refertur exempli gratia hic et hic et hic et hic et hic et hic et hic et hic et hic et hic et hic. etiam alia quae progressiuistae dixerunt uel fecerunt uel in animo habent referuntur hic et hic et hic et hic et hic et hic.

diuortium

 

aliquae feminae, ut hic refertur, de diuortio suo sibi gratulantur. sciuntne autem quomodo diuortium paruulis noceat, ut hic et hic refertur? 

etiam de diuortio aliqua consideranda hic exponuntur.

lectu digna in Principiis

 

in Principiis:

quomodo quaedam quae Paulus Erlichus praedixerat non facta sint hic.

de philosophis hic. Ludouicus Vittigenstenius de Platone dixisse refertur: "de eo tam bonum est hoc quod patet quod ei in his quaestionibus de uita et morte agitur."  

de Platonis Timaeo hic.

de militia hic ubi est argumentatio quod ad bene agendas operationes militares pertinet furandi ars quippe cui utilia sunt quaedam quae in furando necessaria sunt. puto Lacedaemonios consensuros fuisse!

de Dorotheae Diae operibus quae fidei Catholicae conformia sunt et sententiis quae minus conformes sunt hic.

de uiolentia politica quod praesertim a parte sinistra oritur hic.  

inter alia quod oportet ut parentes paruulorum animos studiis tempore dignis intendant hic et de Prouina* India quae hoc conscripsit.

quales praeceptores ad uincendum nihilismum necessarii sint hic.

de progenie hic.

de Nicolao Russiae imperatore II et Alexandra uxore hic.

de dominii natura hic.

politiarum Francicarum analysis hic.

Mexici analysis hic.

hic de quibusdam quae profutura aeuo medio facta sunt: quod consobrinorum coniugium uetatum est et quod iurum theoria exposita est et quod Stephanus Templarius episcopus Parisiensis (cf. hic) Europaeos ab Aristotelianismo liberauit.

*de nomine quam Prouinam Latine reddidi: hic in pagina 49 et hic in paginis 53-54.

sanctus Ioannes euangelista

 

is, ut hic et hic refertur, hodie colitur quid ad portam Latinam passus sit.

sancti Athanasius Alexandrinus et Gregorius Nazianzenus

 

de iis multa hic Gregorius Pippius refert. illa Athanasii sententia quae de eucharistia refertur in hoc tractatu quem Ioannes Baptista Franzelinus de sacratissimo eucharistiae sacramento et sacrificio conscripsit paginae 230 inest: "quandiu supplicationes et preces non sunt peractae simplex est panis et calix; cum uero magnae et admirabiles preces fuerint persolutae tum panis fit corpus et calix sanguis domini nostri Iesu Christi" et illa Basilii sententia quae de confessione refertur in hoc libro quem Ioannes Henricus Hobekinus* conscripsit paginae 280 inest: "peccata iis confiteri necesse est quibus mysteriorum Dei concredita dispensatio est."

*de nomine quod est Hobekinus in huius libri pagina 84 dicitur "Hobekin, a pet-form of Robert, 'Hobekinus filius Radulphi de Bingham' is the Robert de Bingeham, son and heir of Ralph de Bingeham, of 1334"

lingua nostra

de lingua nostra sententiae: hic et hic ex Ioanne papa XXIII et hic et hic et hic et hic ex Ioanne Paulo papa II Ciceronem memoranti "nouerint ii hoc Ciceronis effatum ad se quodam modo referri 'non....tam praeclarum est scire Latine quam turpe nescire'" et hic ex Pio papa XI et hic ex eodem dicenti "quod si in quopiam homino laico qui quidem sit tinctus litteris Latinae linguae quam dicere catholicam uere possumus ignoratio quendam amoris erga ecclesiam languorem indicat quanto magis omnes clericos quotquot sunt decet eiusdem linguae satis gnaros esse atque peritos" et hic de eodem.

sancti Georgii imago

sancti Georgii imaginem saeculo decimo octauo factam Gregorius Pippius hic dissertat.

sancti Iosephi dies

 

centum fere annos post pascha die Mercurii tertio colebatur sanctus Iosephus, ut hic et hic refertur.

bellum iustum

quod ad bellum iuste gerendum necesse est ut belli iustitia certa sit hic dissertatur. 

quod praeter defensionem sunt aliae belli causae iustae hic dissertatur.

uocabula bina

 
ecclesia et ritus hic 

theologia et philosophia hic et hic

res publica et democratia hic

homo exiguus hic et homo praeclarus hic

Benedicti papae XVI renuntiatio

de ea res nouissimas Ioannes Zulsdorfus sacerdos hic refert.

gaude, mater Polonia

 

in hoc libro uita sancti Stanislai et hoc carmen:

gaude, mater Polonia

prole fecunda nobili,

summi regis magnalia

laude frequenta uigili

cuius benigna gratia

Stanislai pontificis

passionis insignia

signis fulgent mirificis.

hic certat pro iustitia;

regis non cedit furiae;

stat pro plebis iniuria

Christi miles in acie

tyranni truculentiam

qui dum constanter arguit

martyrii uictoriam

membratim caesus meruit.

nouum pandit miraculum

splendor in sancto caelitus.

redintegrat corpusculum

sparsum caelestis medicus.

sic Stanislaus pontifex

transit ad caeli curiam

ut apud Deum opifex

nobis imploret ueniam.

poscentes eius merita

salutis dona referunt.

morte praeuenti subita

ad uitae portum redeunt.

cuius ad tactum anuli

morbi fugantur turgidi.

ad locum sancti tumuli

multi curantur languidi.

surdis auditus redditur

claudis gressus officium

mutorum lingua soluitur

et fugatur daemonium.

ergo, felix Cracouia

sacro dotata corpore,

Deum qui fecit omnia

benedic omni tempore.

sic trinitati gloria

laus honor iubilatio.

in martyris uictoria

sit nobis exultatio.

Iesus Christus crucifixus hodie recolitur

 

Ricardi Cipollae sacerdotis sententiae hic sunt.

quo die Iesus crucifixus sit dissertatio hic est.

sanctae Caeciliae imago picta

 

Ioannes Zulsdorfus sacerdos hic et Gregorius Pippius hic dissertant.

cibi

 

quomodo pecani prosint, hic.

quomodo butyrum arachideum prosit, hic.

Marcus Hymanus medicus oua et perseas Americanas laudat, hic.

quomodo ciuitates externae tractandae sint

 

in hoc tractatu dissertatur.

Donaldi Trumpi et Marci Rubii orationes nuper habitae

 

Donaldus Trumpus praeses die Martis hanc orationem habuit. orationis interpretatio hic est qua orationi fauetur. interpres argumentatur orationem de ciuis Americani dignitate esse. memoratur etiam ea pars in qua Donaldus dixit "si huic sententiae consentis surge et fauorem tuum exhibe: quod politiae Americanae officium primum est ciues quidem Americanos non autem aduenas illegitimos protegere" et pars quidem dextra surrexerunt pars autem sinistra non surrexerunt, quod ex testimonii supra dicti momento 53:20 uideri potest.

in illa interpretatione memoratur etiam haec oratio quam Marcus Rubius harum ciuitatum foederatarum minister rebus externis praefectus hoc mense Monachii habuit, ex qua oratione has partes Latine reddidi et ad Gregem Latine Loquentium misi: "ille murus infamis qui hanc nationem [Germanorum] in duas diffiderat cecidit atque eocum imperium malignum, ita ut pars orientalis et occidentalis rursum una facta sit. tamen huius uictoriae euphoria nos in errorem periculosum tulit: quod 'historiae finem', ut dicitur, ingressi essemus, quod omnis natio nunc democratia liberalistica futura esset, quod facti mercatu solo et commercio nexus nunc nationalitatis locum obtenturi essent, quod constitutus regulis ordo oecumenicus--quod uocabulum nimis adhibetur--nunc eorum quae nationi prosint locum obtenturus esset, quod nunc mundum nullos limites habentem inhabitaturi essemus ubi omnes mundi ciues fierent. haec sententia stulta erat quippe in qua nec natura humana neque ea quae ab quinque milibus annorum et pluribus historiae humanae litteris mandatae discuntur considerabantur. ille autem error nobis magno impendio erat. nam in eo mercatus liberi et ineffrenati uisionem dogmaticam amplexi sumus etiam dum aliquae nationes oeconomias suas protegentes societatibus suis subsidia dant ut societates nostras systematice debilitarent....auctoritatis politicae nostrae operationem societatibus internationalibus magis tradebamus....et ut mundum nullos limites habentem consequeremur multitudini aduenarum quasi undae uenienti ianuas aperuimus, qualis unda numquam antea facta est sed consortiorum nostrorum cohaerentiae et cultus nostri continuitati et populi nostri posteritati periculosa est....nam quod ad ciuitates Americanas foederatas et Europam pertinet nos oportet una esse....unius cultus partes sumus: cultus occidentalis....illum defendimus: cultum magnum cuius cultoribus est omnis quidem causa cur in eius historia gloriemur et de eius posteritate fiduciam habeamus hoc autem consilium ut eorum quae ei in rebus politicis et oeconomicis contingent auctores semper simus."

Georgius Gulielmus Fridericus Hegelius philosophus

 

mihi de Georgio Hegelio philosopho paulum scienti hic tractatus in Principiis auxilio erat.

aliqua facta

Carola Gressa quoddam problema hic dissertat. deinde Maria Clerica ut hic refertur hoc exemplum dat. interim ut hic in Principiis refertur Laura Agrestis eorum qui parti dextrae politicae fauent tres species nouiores dissertare conatur. etiam de aliquibus rebus quae ad feminas pertinent quid Sinenses faciant hic refertur. sed in his ciuitatibus foederatis uir qui se feminam putat, ut hic et hic refertur, uxorem et filium et se interfecit. eorum qui de sexu confusi alios interfecerunt index hic est.

in uigiles niuem aliqui iecisse hic referuntur sed Zoranus Mandanius criminibus aduersari dicitur.

de discipulis qui ex schola ad actionem politicam egressi macellum perturbauerunt hic.

de uiro inter actiones politicas interfecto hoc in Principiis.

praeceptricis dissertantis quid ad discipulos efficax sit sententiae hic referuntur.

de Roberto Ludouico Stephanide dissertatio ex eius biographia noua orta hic in Principiis est.

uiri et feminae

 

Iosephus Holmesius hic in Principiis id quam spiritalitatem femininam appellat dissertat. ego autem scilicet dicam quod ea quae prima spiritalitate feminina mouebatur erat ipsa Eua femina prima quippe quae illis uerbis adducta est: "nequaquam morte moriemini! scit enim Deus quod quocumque die ex eo manducaueritis aperientur oculi uestri et ut Deus sic eritis bonum et malum scientes." Iosephi dissertationi inest etiam alia bona pars in qua is dissertat quomodo uiri et feminae inter se differant: quod feminae quidem animo fidere magis solent et magis empathia mouentur et in hominum necessitudinibus magis concordiam et aequalitatem in loco primo ponunt uiri autem rationem animo et regulas empathiae et graduum systemata aequalitati antehabent. tamen in quadam parte is errat ubi monet ut res masculinae et femininae commisceantur uel in libramine habeantur. nam masculinum est ducere.

res ecclesiasticae

 
synodalitatem nouissimam dissertat Robertus Matthaeus hic praesertim unde ea orta sit et Robertus Baro episcopus hic et Iosepus cardinalis Zen hic et hic.

Ioannes Zulsdorfus sacerdos eas litteras quas Arturus cardinalis Rochus ad collegas scripsit hic et hic dissertat.

Gregorius Pippius hic et hic earum litterarum quae "sacrosanctum concilium" appellantur abusum dissertat et quomodo ecclesia cathedralis Mantuana iconoclasmum nouissimum patiatur.

de archiepiscopis Neoeboracensibus cardinalibus Timotheo Dolano hic et Ioanne Concobaride hic.

Alcuinus Ridus sacerdos hic sanctam Missam dissertat: "quae res noua edita et specialiter fabricata ut 'homo modernus' modo pleno et fructifero participaret panacea summa fore modo aduertissamentali dicebatur ea res quam liturgiam modernam dico simpliciter sedes non impleuit" et "ritibus uetustioribus multo plura sunt quae ii dent."

Dominicus Grigius hic problemata quae hoc aeuo in ecclesia sunt dissertat: "homini fidem Catholicam colenti per Francisci papae pontificatum uiuere 'erat quasi paruulus abusum patiens esses et cotidie expergiscereris timens qualem abusum proximum passurus esses.'" et "quamquam Georgius Bergolius mortuus est (r.i.p.) tamen quae mala ecclesiae intulit ea mala animis et ecclesiae unitati etiamnunc perspicue minacia manent....ex iis qui cardinales et episcopi eius consiliis haereticis cooperabantur multi in principatibus manent; eius multae et erroribus plenae litterae nullam prouocationem passae manent."

de abusu etiam hic Andrea Matricalis.

et hic referuntur sententiae Alberici Volcae liturgias nouas "rudes et tritas" et Paulum papam VI increpantis. etiam Albericus dissertat quomodo progressiuistae omnia ex parte sua sed ex altera nihil tolerent et hanc thesin exponit quod si quid concilium Vaticanum secundum proposuit indifferentismus erat.

de feminismo sententiae nuper exhibitae

 

ex iis quae in natura feminina bona sunt aliqua hic Anna Burnia dissertat. praesertim quod cinema "ea uita mirabilis est" appellatur id cinema memorans de Maria Baiula dicit "semper operatur ad efficiendum ut ipsa illi [Georgio marito] portui salutari sit, ut ille domicilium habeat, ut ille sustentetur. numquam contendere conatur sed potius illi semper ardens et admirans adstat". 

aliqua autem quae mala sunt Hathira Donaldis hic memorat praecipue "quae ideologia iniustitiae passionem antehabet et hodie eorum qui in scholis tertiariis operantur partem magnam adducit et se obiectiuitati et rationi quippe quae uiri albi fabricauerint inimicam ostentat ea ideologia qualitatem femininam habet....nunc haud longum tempus est postquam ordo magistralis et pars discipularis et apparatus burellocraticus cuius pars maior feminina erat hanc sententiam amplexus est quod discipulorum 'salus' contra 'sermonem odii indicatiuum' qui illi periculosus esse dicebatur protegenda est. (uiri autem libertatem scholasticam et ueritatis quaesitionem sic antehabent ut non respiciant quomodo ullius animum inquisitio intellectualis afficere dicatur)....nunc etiam haud longum tempus est postquam scholae tertiariae claudebantur uel discipuli in dormitoriis ex regula contra morbum Couidicum imposita includebantur...haec qua omnis periculi toleratio amoueretur regula quippe qua detrimenta et emolumenta rationaliter librari non poterant in essentia feminina erat."

Helena Andreis de feminificatione hunc tractatum conscripsit. inter alia dicit quod ea quae uigilantia appellatur nihil aliud est quam morum femininorum pars, nam "omnibus iis quae uigilantiam putas inest femininum masculino antehabere: empathiam rationalitati, salutem periculi tolerationi, colligationem contentioni", quod ut in hoc libro dissertatur uiri quidem quisque ad ceteros tali modo qualis in bello prosit se gerunt feminae autem quisque ad ceteras tali modo qualis ad protegendos paruulos prosit se gerunt, quod "problema non est quod feminae quam uiri minus ingeniosae sint aut etiam quod actionis mutuae modi feminini ex ullo intellegendi modo obiectiuo deteriores sint sed est quod actionis mutuae modi feminini ad contingendas multarum et magnarum societatum uel systematum causas finales haud idonei sunt." 

Helenae tractatum sequens Anna Hinderscida hic scholas tertiarias dissertat.

Carola Gressa philosophiae doctrix librum nouum conscripsit. Carola de libro hic et hic loquitur. de Carola et eius libro est etiam hic tractatus.

Iudaei et supersessionismus

 

Ioannes Montius philosophiae doctor hic exponit quomodo de Iudaeis Thomas Aquinas alia et Ioannes Duns Scotus alia monuerit et memorat quod praeualuerunt ea quae Ioannes monuerat. tamen quod ad supersessionismum pertinet non intellego cur eum Ioannes Montius deneget sed Briani Henricidis sententias hic expositas antehabeo.

Mahumetismus et saecularismus: minae duplices

 

Sabatina Iacoba a Mahumetismo ad fidem Catholicam conuersa quae hunc librum conscripsit ut hic et hic refertur Mahumetismum dissertat praecipue quomodo Mahumetismus iis qui eum non colunt minax sit et quomodo in Europa duces non solum politici sed etiam ecclesiastici cultus Europaei et ipsorum Europaeorum impendio Mahumetistis faueant.

Georgius Vegellus autem quamquam ab eo de Russia etiamnunc dissentio tamen hic sapienter monet ut saecularismus caueatur.

Somali in Minnesota

exempli gratia hic refertur quod in Minnesota Somali locis ubi paruulorum curam simularent usi sunt ut pecuniam a politia adipiscerentur. de hac re praecipue memoria digna est haec dissertatio in qua Aiana Hirsia Alia Somala argumentatur quod Somalis in ipsa Somalia mos est gentem populo et ciuitati et ceteris rebus antehabere et quod hunc morem Somali quando ex Somalia in alias terras se transferunt secum afferunt et quod ex hoc more Somali putant politiam esse opum fontem e quo quam plurima sibi raperent.

Somalorum fraudem etiam hic Ioannes Cassarus dissertat. de fraude generaliter quoque multa dicit.

Donaldi Trumpi consilia et Nicolai Maduri captiuitas

 

edidit Donaldus Trumpus has litteras in quibus de harum ciuitatum foederatarum salute potentiaque et quomodo has ad alias ciuitates se habere oporteat exponit quid efficere uelit et quomodo efficere in animo habeat. 

illas autem litteras et Nicolai Maduri captiuitatem et quomodo eius captiuitas ad illas litteras pertineat in Principiis hic R. R. Reno dissertat.

institutio liberalis

Veronicae Oldamae in Anglia praeceptricis sententiae hic referuntur cur lingua Latina discenda sit praecipue quia homines in cogitando instituat et ad intellegendas alias linguas adiuuet et ad cultus Romani et humani scientiam ferat.

in Principiis in hoc tractatu Petrus Leotardus dissertat qualis sit praeceptor et discipulus, ex qua dissertatione ego praeceptor hoc memoro: "necesse est ut praeceptor 'longaeuus' nonnullis rebus quas homo facere potest et in quas homo fingi potest ac quas discipuli etiamnunc eligere possunt moriatur. praeceptor in dilectione qua se immolet se durat et lusum puerilem abdicat et efficit ut quod certamen de uita et morte pro ueritate ipse agit id certamen discipuli gustent."

hoc aeuo quo rogatur utrum res memoriae mandare utile sit ex hoc tractatu hanc sententiam consideratione dignissimam arbitratus sum: "nisi nos [praeceptores] eorum [discipulorum] mentes rebus ueris impleuerimus res fictae se inferent."

 

quid sanctus Ioannes Henricus Neandrinus de scholis tertiariis putauerit hic dissertatur praecipue quod earum causa finalis est discipulos non ad munera parare sed ita instituere ut scientiam latam et cogitandi facultatem habeant. fortasse discipuli ita instituti, ut in hoc tractatu exponitur, contra intellegentiam artificialem in muneribus superstites esse maxime poterunt.

quid Leo papa XIV de institutione putet hic dissertatur praecipue quod institutione homines non ad consilia utilitarianistica sed ad res caelestes uertendi sunt.

ex hoc tractatu hanc sententiam memoro quod in praeceptorum formatione oportet duces scholasticos amicitiam spiritalem antehabere.

de intellectu et quomodo in eo homines inter se differant est hic tractatus.