in sancti Ioannis Cantii honorem carmen quod Gregorius Pippius hic refert.
gentis Polonae gloria
clerique splendor nobilis
decus Lycaei et patriae
pater, Ioannes inclite.
legem superni numinis
doces magister et facis.
nil scire potest; sedulo
legem nitamur exsequi.
apostolorum limina
pedes uiator uisitas;
ad patriam ad quam tendimus
gressus uiamque dirige.
urbem petis Ierusalem;
signata sacro sanguine
Christi colis uestigia
rigasque fusis fletibus.
acerba Christi uulnera,
haerete nostris cordibus
ut cogitemus consequi
redemptionis pretium.
te prona mundi machina,
clemens, adoret, Trinitas,
et nos noui per gratiam
nouum canamus canticum.