pars communistica Sinensis

 

Victor Dauidides Ioannides in hoc tractatu rogat quomodo res se habeant si Americani ea quae pars communistica Sinensis facit faciant.

de eo quod est in schola operari

 

cur philosophiae doctores in scholis quae modo antiquiori geruntur docere oporteat hic.

 

Thomae Caroli de scholis Catholicis operaque sua sententiae hic.

 

de octo regulis ad discipulorum decanum pertinentibus hic.

quidam qui ex Russia fugerunt

 

historia hic uiri feminaeque qui minas communisticas effugerunt.

"id quod"

 

Ioannes Zulsdorfus sacerdos hic de iis uerbis quae "id quod" sunt disserit quomodo ea optime Anglice reddi possint.

Ioannis Henrici cardinalis Neandrini Latinitas

 

Ioannes Henricus cardinalis Neandrinus olim rerum de quibus scriberet uel scripserat indicem conscripsit. ei indici inest "descriptio uillae Neandrini"--ubi Ioannes cognomen Latine reddit--et "Vellesleius picturas etc recuperat Napoleone expulso" et "Napoleo ad sororem suam" et "proelium Vaterlooanum"--ubi res saeculi undeuicesimi Latine memorat.

 

in oratione autem Latina quam in aula Orielensi habuit pro nominibus Anglicis quae "Bulter" et "Raleigh" et "Holt" sunt Butlerum et Raleium et Holtium dicit.

 

("The Letters and Diaries of John Henry Newman" vol. 1, 1978)

sanctus Maximilianus Colbius

 

de sancto Maximiliano Colbio Ioannes Zulsdorfus sacerdos hic et Ionas Ioannides hic disserit. 

 

sancte Maximiliane, ora pro nobis!

feminae contra feminismum

Virginia Cauda Nuntians hic: "[feminae] in consortio humano pars quae agenda est et opus quod efficiendum est...non est per munerum cursum se promouere et cum uiris de potestate contendere."

 

Angela Ericis autem hic contra feminismum disserens has theses tenet quod natura feminina per maternitatem plenissime exprimitur et quod feminismi radix est feminas hortari ut extra domum munere fungantur.

 

Sara Caina autem hic profitetur "homines apparantur ut datum regimine masculino ordinem accipiant sicut instrumenti electronici fila metallica ad exsequendum opus uel programma constituuntur. eum ordinis sensum expetimus eoque orbati patimur."

 

Catharina Ioannis Aurea autem hic de quibusdam huius aetatis rebus malis praesertim quod multi homines uel se nescire dicunt uel dicere nolunt quid femina sit: "mirabiturne quisquam si tibi dixero nos feminas in culpa esse? ab Eua continue nobis est potestas egregia qua nos noxa afficimus. et hi quinquaginta anni praeteriti egregie calamitosi sunt quibus ex iis appetitibus innatis quos nos uniuersae habemus saepe euenit non creatio sed deletio non facultas addita uel aucta sed clades quam nobis intulimus."  

 

Carola Gressa autem philosophiae doctrix hic: "feministriae primae exempli gratia Maria Vollistonicrafta et Elisabetha Cadia Stantonia et Susanna Brunella Antonia quaestionem non idoneam posuerunt. nam hae hodopoeae feministicae rogauerunt non 'quomodo feminas in eo quod feminae sunt meliores facimus?' sed 'quomodo feminas uiris similiores facimus?' hic gradus falsus primus ad longam graduum falsorum seriem tulit....[creata est] in cogitando categoria noua generis hominis in quo prioritatem habenti quasi in tabula rasa masculus aut femina delineetur."

sex regulae quibus hominem se gerere oporteat

 

proponuntur hic sex regulae quibus hominem se gerere oporteat:

 

1. sal et piper una tradere

 

2. cubitum mensae non imponere

 

3. si alii tibi propinant te non bibere oportet

 

4. alium digito indice non monstrare (alibi doctus sum manum totam adhibendam esse)

 

5. si alius tibi gratias agit oportet respondere non "nihil problematis" sed "gratum est" uel "mihi placet".

 

6. raedae ianuam manu ulteriore aperire 

 

dignae quae considerentur.

ad curandum corpus

 

utrum oua prosint hic.

 

quod circiter 8,000-10,000 gressus quoque die ambulare prodest hic. similiter hic.

potiones quae optime hydrent hic: lac et sucus aurantius ualde prosunt.

philosophae?

 

feminaene has litteras re uera scripserunt: Ioannis Stobaei Anthologii locos 1.49.27 et 3.1.120 et 4.23.61 et 4.23.61a et 4.25.50 et 4.28.19? Iulius Pollux autem in Onomastico 10.21 Theanonem memorat.

Ioannis Risti professoris sententiae

 

Ioannes Ristus professor hic ad Eduardi Pentini quaestiones respondens dicit hanc esse problematum ad hoc aeuum pertinentium causam quod per hos ducentos annos potestas nimia pontificatui summo accessit.

 

Anna Bernarda autem hoc respondens in hac sententia perseuerat quod Georgius Bergolius pontifex summus nec nunc est neque umquam erat ita ut necesse non sit pontificatus summi potestatem recognoscere.

 

etiam autem si Georgius Bergolius pontifex summus non est tamen mihi haec quaestio indagatione digna uidetur utrum pontificatus summi potestas per hos ducentos annos aucta ecclesiae prosit necne. nec mihi uidetur necesse ut ea quaestio proposita pontificatus summi infallibilitati uel ulli alii quod fide tenendum est contraria periculosaue sit.

quaestionum ad res uenereas pertinentium tractatio Christiana

 

quomodo de rebus ueneriis sanctus Paulus et postea fides Christiana ab aliis cogitandi modis differat Cylus Harper hic disserit. praesertim memorat Paulum haec docuisse quod uirginitas conubio antehabenda est et quod uenerea agere nisi in conubio non licet. etiam dicit iis dogmatibus Christianis inesse hanc sententiam quod omnium hominum integritas sexualis honoranda est et uenerea in fide Christiana quam in deorum cultu uel in philosophiae scholis antiquis multo maioris momenti esse.

quod Christiani etiam ab saeculo primo rebus contraconceptiuis iamdudum aduersantur disseritur hic. quod ad sententias in eo tractatu memoratas pertinet, Iustini quidem martyris sententia in hoc libro Graece in columna 373 et Latine in columna 374 "uel nullatenus matrimonium inibamus nisi ad educandos paruulos uel matrimonium recusantes integre nos continemus" Clementis autem Alexandrini sententia in hoc libro Graece in columna 505 et Latine in columna 507 "semen non abiiciendum est neque iniuria afficiendum nec profecto in cornu serendum" legi potest. et quod C. S. Ludouicus sciebat quid de rebus contraconceptiuis Christiani semper docerent disseritur hic.

 

de eo quod ecclesia de rebus contraconceptiuis infallibiliter docet disserunt E. Christianus Brugger et Ioannes Finnis philosophiae doctores hic et hic; cf. hic. 

 

hic autem disseritur quibus ex causis progeniei mora naturali uti liceat.

 

etiam hoc.

communistae Sinenses

 

communismum odi sed de communistis Sinensibus hoc et hoc lecto fatebor quod ii aliis se ea quae sibi non prodesse putant facere iubentibus se non subiiciunt. immo uitam esse "ludos esuriales" scientes ludunt ut uincant. et ut hic refertur, communistae Sinenses feminismo resistunt, ita ut aliquis dixerit eos patriarchiam suam dissimulare ne conari quidem. quam ob rem ego iterum dico eos uincere scire. communistae quidem Sinenses huius Iesu Christi domini nostri sententiae exemplo sunt quod huius saeculi filii lucis filiis in eorum generatione prudentiores sunt (Lucas 16.8). tamen utinam communistae Sinenses mox uincantur uel potius lucis filii fiant!

sanctus Thomas Aquinas

 

sancte Thoma, abhinc 700 annos canonizate (hic et hic) ora pro nobis!

parentibus facultas eligendae paruulorum scholae

 

ut hic refertur, Mesa Mainor legislatrix Georgiana pro hac thesi quod parentes facultatem eligendae paruulorum scholae habere oportet loquitur praesertim quod ad hoc ut pueri puellaeque pauperes floreant hoc prodest quod parentes scholas eligere possint.

uecordia hodierna

 

uerisimile est quod in California infertilitas modo nouo definietur et parentes qui filii uel filiae genus sexuale praeter corporale non affirment abuti dici poterunt.

 

saltem autem repugnant quidam Mahumetistae (hic et hic) et quidam uir homosexualis.

id quod "cis" Anglice dicitur

 

Ioanna Rolanda de eo quod hoc aeuo "cis" Anglice dicitur hic dicit:

"sermo ideologicus est, cui in ideam quae empirice reprobari non potest hanc quod homini praeter sexum genus sexuale est credendi significatio inest. tu in essentias indemonstrabiles quae corpori sexuato congruere uel non congruere possunt credendi ius integrum habes, sed ceteri dissentiendi et sermonem specialem tuum assumere abnuendi ius habemus."

monachus orientalis et Petrus Quasneuius

 

monachus orientalis de ecclesia Romana sententias hic proponit. Petrus Quasneuius philosophiae doctor hic respondet.

praeses societatis progressiuisticae et Rugluca Genia

 

praeses societatis progressiuisticae, ut hic refertur, dixit Serenam Gulielmidem quae in teniludio in feminarum ordine summo habetur uiris maiores uires habere, ad quod Rugluca Genia respondit Serenam a uiro qui in eodem ludo athletico inter uiros locum 203um habebat uictam. ipsa autem Serena olim dixerat, "uiri multo uelociores sunt, ui maiore apponunt, ui maiore feriunt. ludus totus alius est. teniludium femineum agere amo. solummodo contra puellas contendere uolo propterea quod rem ex qua erubescam pati nolo."

 

eadem praeses, ut hic spectari potest, cum a senatore rogaretur, "estne differentia inter uiros et feminas?" et "quae est causa ludorum athleticorum feminis propriorum?" non respondebat.

 

Rugluca autem, ut hic spectari potest, de se sociabusque disserens alium senatorem rogat, "quid de nobis?" 

Rugluca etiam hic exponit quid in epistola ad societatem natatoriam Haruardianam missa dictum sit.

sacerdos de iis litteris quae Traditionis custodes appellantur

 

sacerdos hic: eae litterae quae Traditionis custodes appellantur "iniustae sunt et contemnendae et species abusus spiritalis ab pastore uniuersali procedentis et dignae quae negligantur."

pro hylemorphismo et contra materialismum

 

Dionysius Bonnettus philosophiae doctor hic disserit. 

 

etiam Antonius Esolenus philosophiae doctor hic contra materialismum.

Haruardiani ad fidem Catholicam conuersi

 

Haruardianorum ad fidem Catholicam conuersorum historia.

 

et hic alia fidem Catholicam professa esse refertur.

de diuortio nonnulla

 

hic inter alia disseritur cur de diuortio Iudaismus et fides Christiana differre possint. etiam memoratur Esdras (9-10) et Malachias (2).

 

hic de Graecorum schismaticorum oeconomia et hic de sententiis quas aliqui de diuortio tenuerunt.

eorum qui muratores liberi appellantur societas

 

uir qui murator liberus erat hic disserit quomodo ea societas et fides Christiana inter se aduersantur.

 

muratorum liberorum historiae hic et hic legi possunt.

 

de iis etiam pontificum Romanorum sententiae in huius libri paginis 124-152 legi possunt.

uir qui se feminam putat impudice se gerit

 

uir qui se feminam adeo putat ut mammas addiderit ad domum candidam inuitatus eas ostentauisse hic refertur sed non iterum inuitabitur.

aedificia uetera

 

in his ciuitatibus foederatis inter aedificia ueterrima sunt haec:

 

in Virginia in Guilelmi et Mariae collegio aedificium Christophori Reguli

 

Gilfordiae Connecticutensi domus Henrici Albagri

 

in Caesarea Noua domus Nothinagulana

 

Dedhamiae Massacusettensi domus Pulchririporum

 

in Mexico Nouo sancti Michaelis ecclesia et gubernatorum palatium et oppidum Acomanum et oppidum Tiuanum

pinguitia et cerebrum

 

referuntur hic cerebra hominum pinguium et eorum qui pingues non sunt inter se sic differre ut cibum sumptum hominis non pinguis cerebrum agnoscit sed hominis pinguis cerebrum non agnoscit.

quomodo de eo quod COVID-19 dicitur duces nostri arbitrati sint

 

Anna Bernarda hic et Eduardus Feser philosophiae doctor hic refert ubi uidetur quomodo ii qui potestatem habent hoc decernendi modo utebantur ut alter quicquid alter faciebat faceret.

 

Facierum autem Libri auctor hic refertur inter alia dixisse "ex iis qui quasi loca potestatis tenent multi...rogauerunt ut edi prohibeantur uel erroris nomine notentur multa quae ut in disputatione teneri magis possint uel uera sint euenisse nos nunc respicientes uidemus."

infantes lacte mammali nutriti

 

ex hac indagatione uidentur adulescentes qui infantes lacte mammali diutius nutriti erant in examinationibus scholasticis melius fecisse.

societates commerciales ueterrimae

 

ut hic et hic refertur, deuersorium Iaponicum quod "Nissiyama Onsen Keiunkan" appellatur anno Domini 705 conditum societas commercialis ueterrima esse dicitur, et societas Finnica nomine "Stora Enso" societas obnoxietatis limitatae incorporata ueterrima.

 

hic quoque disseritur de ueterrimis societatibus commercialibus Iaponicis exempli gratia ea quae "Ichiua" appellatur.

 

hic disseritur de popina quae ueterrima dicitur.

domini nostri Iesu Christi ascensio et uirilitas

 

quomodo Iesu Christi ascensio et uirilitas inter se pertineant Anna Bernarda hic disserit.

de sancta Missa epistola

 

quae hic imposita est.

synodus

 

duo sacerdotes hic et hic de synodo disserunt.

Renatus Cartesius

 

de eo quaedam hic memorantur.

quomodo praeceptorum collegia paruulorum eruditionem afficiant

 

quaedam indagatio hic refertur.

id quod Graece catechon dicitur

 

de eo hic Rudolphus Hilferus professor disserit.

epistolae archiepiscopi

 

ut hic impositae sunt.

 

 

morum publicorum tractatio Marxistica

morum publicorum tractatio Marxistica in Vicipaedia agi negatur.

 

 

duo trolli egregii fortasse

 

hic uir, ut hic refertur, se feminam et hominem coloratum dicit sed, id quod ex eius trollatu partem optimam existimo, etiam dicit "fieri potest ut quasi in uia progessus mentem mutem. nam quo graduum systemate homo exploret quid ipse sit ei graduum systemati insunt partes multae ac quasi inter se complicatae, et saepenumero in itineris proprii fine in quo loco coepimus in eo ipso loco finem facimus."

 

hic autem uir bananam quasi artis opus ad parietem alligatam hic refertur manducauisse et dixisse "etiam id quod est opus artis modernae laedere artificium esse potest." tamen suspicor hunc uirum eocum qui bananam ad parietem alligauerat coniurauisse.

palatium gentis Aureanae Pamphilianae

 

id Ioannes Zulsdorfus sacerdos hic memorat.

Eua Flardingerbroca nunc in ecclesia Catholica

 

Eua Flardingerbroca, quam hic et hic memoraui, fidem Catholicam suscepisse hic refertur.

cur mathematicis operam dare oporteat

 

Cunedda Higuel hic disserit quod mathematicorum studio homines in cogitando sic instituuntur ut problemata soluere et paucis rebus notis plura cognoscere possint. is etiam illam Platonis sententiam "ne ineat homo geometriae ignarus" memorat ad affirmandam hanc thesim quod quod cogitandi genus mathematicis inest eo quaestionum philosophicarum tractatio indiget. is tandem argumentatur mathematicorum studium uirtutem ac praecipue humilitatis sensum gignere.

sanctus Nicolaus

quid Ario fecerit hic.

ubi sepultus est hic.

uaria hic.

de eo quod inter coniuges debetur

 

Anna Reginaldis hic argumentatur id quod inter coniuges debetur considerandum esse ut conubium felix sit.

gnosticismus et feminarum ordinatio et prauitas sexualis

 

disserit hic sacerdos cognomine Pocorius (cognoscere non poteram quid sit eius praenomen integrum) praesertim quod masculinitas pars sacerdotii constitutiua est: "Iesus in cena ultima apostolos iubet: 'hoc facite in meam commemorationem' (Luc. 22.19). mos sacer affirmat quod Iesus iis in hoc quod ii uiri--masculi--sunt dat dignitatem et officium quibus sacrificium missae sacrum in se agatur. apostoli Iesu mediationem sacramentalem ut patres Dei paternitatem sic participant."

quid Georgius Bergolius faciat

 

ut hic refertur, Ioannes Franciscus Rosus de Georgio Bergolio disserit: "existimo rerum nouarum fautorem esse hunc papam....papa res mutare uult. dicunt homines 'satis non est, satis non est.' sed is multa facit. aliam ecclesiam erigit ecclesiam quae magis hominibus pateat."

 

ergo nunc fit Georgii Bergolii ecclesia. ego autem Iesu Christi ecclesiam opto.

ea quae uigilantia hodie dicitur

 

hic Iosephus Mansonius philosophiae doctor qui in uniuersitate scholarium Californiana anthropologiae professor erat profitetur se propterea quod uniuersitas scholarium eo cogitandi uel sentiendi modo nouissimo quae uigilantia dicitur corrupta esset ab ea discessisse.

 

hic Ieremias Dauidides qui in societate Disniana munere fungebatur de collegis progressiuismo uel illi uigilantiae addictis sententias manifestat.

 

Luana Maroia hic disserit quomodo is sentiendi modus quae uigilantia dicitur scientiae materiali obstet.

 

Eduardus Feser philosophiae doctor hic explicat quid uigilantia sit.

in scholis facta

 

quomodo nonnulli putent disciplinam mathematicam mutari oportere ostenditur hic et hic. contra talia autem est haec epistola.

 

hic exhibentur litterae in quibus exempli gratia importatur quod hae theses prima quod sexus duo sunt secunda quod appetitus sexualis non heterosexualis prauus est tertia quod mens sana insanae par est quarta quod fides Christiana praeoptanda est quinta quod familiae duos parentes inesse oportet nociuae sunt.

etiam nociuum esse dicitur, ut hic refertur, discipulorum excellentiam honorificare. 

 

alia autem professtrix hic (cf. hic) dixisse refertur "haec sententia quod disputatio intellectualis et rigor quasi intellectualismi columen est ex mundo in quo uiri albi dominabantur orta est." quid igitur?

dux scholarum publicarum Detroitensium hic et hic dixisse refertur cutis coloris theoriam criticam in curriculo adhiberi. etiam hic. quae theoria etiam, ut hic et hic disseritur, in uniuersitatem et, ut hic exhibetur, in religionem infertur. uel eam inferre nonnulli uolunt, ut hic refertur.

in schola hic memorata discipuli monentur ut examinationes et cetera plus quam semel agant. et hic refertur quod in nonnullis scholis discipulorum opera D et F litteris non iam iudicabuntur.    

 

paruuli hic referuntur in societates prauitatis sexualis uocari, et hic narratur quomodo genus sexuale in uniuersitate tractetur. in scholis autem publicis Chicaginiensibus, ut hic refertur, balnea inter sexus non iam distinguentur. etiam quomodo res sexuales paruulis notae fiant hic disseritur et de alloquendis praeceptoribus hic.

ut hic refertur, nonnulli de scholis priuatis et institutione domestica queruntur.

hic femina quae in Sinis reuolutionem culturalem uidit dicit similia in his ciuitatibus foederatis fieri, et hic refertur quomodo inquisitio in parentes fiat. 

duo professores hic argumentantur id quod hodie "diuersitas aequitas inclusio" appellatur regulis ethicis et uniuersitatis scholarium operi contrarium esse.

et hoc:

linguae Anglicae praeceptores hic referuntur dicere quod necesse est litterarum primatui aduersari.

 

ut hic refertur, praeceptor uel praeceptrix (nescio) dicit "oua faciunt non feminae sed ouaria."

Christophorus Rufus hic refert quomodo prauitas sexualis in scholis Portlandensibus exponatur.

 

praeceptor hic refertur in crimine transsexualitatis non fotae fuisse et de ea quasi institutionem pati coactus esse.

 

quid ii qui in Pennsiluania paruulorum institutioni praesunt de pronominibus iusserint refertur hic.

 

linguae Anglicae praeceptrix quae hic memoratur regulas grammaticas spernit.

multa hic referuntur.

in hac ciuitate: hic et hic de indice uocabulorum et sententiarum progressiuistico quem praeceptor in lyceo discipulis dedit. 

 

de professoribus qui societatem pro dicendi libertate condiderant scholae curator, ut hic refertur, dixit "insunt iis quinque partibus centesimis quas amputare nobis perseuerare necesse est. tales in opere pecuario meo habeo, quam ob rem nonnullos ex iis fune alligatos ducimus ad locum ubi interficiantur. ita de natura humana re uera est et cetera, quae quomodo ullatenus clarius dicere possim nescio."

 

in uniuersitate Stanfordiensi hic et hic et hic. tandem, id quod melius uidetur, hic.

praeceptrix hic de institutione publica dicit: "nos meminisse oportet quod institutionis publicae finis est non sola ea quae parentes liberos doceri uolunt docere sed ea quae ut liberi doceantur consortium publicum eget docere."

discipuli hic referuntur professtrici quippe quae sexus duos solos esse dixit aduersari.

in harum ciuitatum foederatarum schola militari discipuli hic referuntur moneri ne uocabula sexus significatiua adhibeant.

 

in uniuersitate in feminam quae dicit quod uiros in feminarum ludis athleticis contendere non sini oportet impetus factus esse hic refertur.

 

hic quid de cutis colore doceatur. 

praeceptrix hic refertur discipulo dixisse eum in loco ubi homines uecordes tenentur esse oportere et eius uel alterius sententiam contemnendam.

praeceptores contra parentes coniurare hic referuntur.

amentia superbia mixta in hoc cinegrammate.

scholae magistri, ut hic refertur, puellam quasi ea puer esset tractabant sed ab eius matre assensum non petiuerant.

uocabulum Hebraicum quod adiutor redditur

 

de eo uocabulo Hebraico quod adiutorem significans in Genesi ad feminam adhibetur hic disseritur. de aliquibus quae in eo tractatu dicuntur fortasse disputare uelim sed haec praecipue noto prius quod id uocabulum non in rebus domesticis sed in rebus politicis et militaribus adhiberi solet (e.g. Iosue 10.6, 1; Regum 20.16; 1 Paral. 12.1, 17-22; 2 Paral. 32.8; Psalmi 70.5, 10.14) alterum quod id uocabulum cum alio uocabulo quod uires significans sonitum similem habet interdum coniungitur (Psalmi 28.7, 46.1).

agere et facere

 

e prece quae hic memoratur: "iniuste egimus, iniquitatem fecimus."

 

Sanctus Thomas Aquinas Aristotelem sequens dicit "differt autem facere et agere quia, ut dicitur in IX Metaphys., factio est actus transiens in exteriorem materiam sicut aedificare secare et huiusmodi, agere autem est actus permanens in ipso agente sicut uidere uelle et huiusmodi." (Summa theologiae IaIIae57.4)

bene uestiri

 

Anna Bernarda hic et Scotus Monachides hic.

Anna Bernarda hic quoque: "uir bene uestitus et bene se gerens...aliis imperabit, interdum uultu solo."

de Idibus Martiis uaria

 

Ioannes Zulsdorfus sacerdos hic disserit.

diaconissae

 

Dominicus Cerratus diaconus et philosophiae doctor hic disserit ac praecipue hanc thesim defendit quod diaconissae priscae nec modo sacramentali ordinabantur neque eadem munera ac diaconi habebant.

sexus et animi contrarietas

in hoc tractatu haec thesis quod quando sexus et animus inter se contrarii sunt animus antehabendus est his duabus rebus inniti dicitur: primum cupidine "mundi ubi nemini quod nolit facere necesse sit, ubi nemo opus facere cogatur, ubi omnes omni cupidini sine timore et pudore indulgere possint, ubi omnes hominum differentiae abrogatae sint et nos omnes omnibus modis aequales simus" secundum sententia "quod corpora nostra non nos sunt sed res in quibus quasi in laqueo inclusi sumus....nos corpora nostra non sumus."

lingua Latina in sancta Missa

 

Petrus Quasneuius philosophiae doctor hic disserit praesertim quod quod genus linguae Latinae in sancta Missa adhibetur id genus haudquaquam uulgare est.

de Martino Luthero thesis

 

Theodoricus Sartor hic de Martino Luthero hanc thesin exponit: "id quod est salutem aeternam propriam tranquille ac consolatiue certam habere ecclesia numquam adsectatoribus pollicita est....Lutherus autem arbitratus fidem uel euangelium tale esse quale adsectatoribus illam [salutem aeternam] certam faceret 

omnibus hominibus et omnibus rebus conditis quaecumque eum de illa uera dixisse non professae essent se aduersarium fecit....potius quam ut acceptaret hanc sententiam quod Deus eum de eius salute aeterna dubitationem horribilem pati sineret Lutherus in Eius loco deum nouum excogitauit--et ecclesiam nouam."

synodus ecclesiastica et homosexualitatis repudiatio

 

Raimundus Saxeus sacerdos hic et hic disserit.

loca ad quae ire non licet

de talibus locis hic disseritur.

feminae de feminis

disserunt hic Victoria Alaria et Rebecca Barretta de eo quod quales feminae dominantur tales feminae uiris non dubitationem uel timorem iniiciunt sed simpliciter displicent.

 

exhibet hic Curtinaea Ryana aliam feminam disserentem de eo quod qualis femina modo uirili se gerit talis femina consortium amatorium a uiro heterosexuali postulare non potest.

Georgii cardinalis Pelli sententiae

 

Georgius cardinalis Pellus--requiescat in pace--, ut hic refertur, de his litteris dicit "synodus episcoporum Catholica....ediderunt libellum 45 paginarum qui...quibus litteris Romae scriptis atque inde editis confusio maxima inest inter eas litteras est....ne Catholicos quidem participes hortatur ut omnes gentes doceant (Matthaei 28.16-20) nedum Saluatorem opportune et importune praedicent (2 ad Timotheum 4.2)....epitome nec fidei Catholicae nec doctrinae Noui Testamenti est. mancus est et iis quae ab apostolis tradita sunt multifarie ac grauiter inimicus neque usquam Nouum Testamentum Dei Verbum esse profitetur." etiam eum dicit "Aetatis Nouae beneuolentiam" effundere, et synodalitatem dicit "incubum uenenosum" factam esse.

 

Georgius etiam, ut exempli gratia hic apud Ioannem Zulsdorfum sacerdotem dicitur (cf. hic et hic), has litteras scripsisse refertur, quibus litteris hae sententiae insunt: "hodie res sic se habet: 'Roma loquitur; confusio augetur'....Hollerich cardinalis de sexualitate doctrinam Christianam repudiat, sed pontificatus maximus silet....[quod] silentium magis notatur cum monstratur quantum ab ea persecutione quae in Traditionalistas et conuentus contemplatiuos agitur distet. Christocentricitas doctrinae debilitatur; Christus ex centro mouetur. interdum Roma etiam de monotheismi puri grauitate confundi uidetur."

in quali loco Iesus Christus natus sit

hic et hic, ubi disseritur quod tempore antiquo in Iudaea domus ex conclaui principali et altero conclaui quod super conclauis principalis tectum interdum aedificatum Graece catalyma dicitur et cauerna adiacenti constare solebat, haec thesis defenditur quod Iesus Christus in cauerna natus est, quamquam de utroque tractatu mihi sunt aliqua quaerenda: a prioris quidem auctore "si Iesus in cauerna natus est, cur in paragraphemate ultimo dicis 'in media domo'? etiam si Iesus in cauerna natus est, consentitne tibi re uera R. T. Francia dicens Iesum in domo crebra natum esse, quibus uerbis mihi uidetur conclaue principale dicere?" ab alterius autem auctore "sinisne cauernam in qua Iesus natus est domus partem esse uel domui adiacere, an in animo habes cauernam solitariam?"

schola grandis sancti Rocci

 

de schola et eius operibus artificiosis hic disseritur.

colloquium memorabile

 

ut Ioannes Zulsdorfus sacerdos hic refert:

 

diurnalistria: "accepistine ad familiam regalem aditum?..." 

Iosephus Mazzulla: "Iesum et Mariam et Iosephum?"

diurnalistria: "principem Cambrensem et principissam."

 

Iosephus Mazzulla: "oh, non accepi. solummodo unam familiam regalem noui."

cibus

 

Iosephus Roganus et hospes hic referuntur de his litteris quae per Columbiae Britannicae uniuersitatem scholarium editae sunt et aliis rebus collocuti esse.

Fabula ad Christi Commemorationem Nataliciam Pertinens

 

de quodam cinegrammate quod multoties sed paene semper per partes uidi Timotheus Clericus hic aliquid cuius numquam gnarus factus eram memorat quod Ralphulus patri numquam dicit se sclopetum cupere sed dat pater.

quarundam populi Americani partium suffragia

 

in harum ciuitatum foederatarum comitiis nouissimis, eorum quorum anni ab 18 ad 29 connumerantur plures quam sexaginta partes centesimae iis qui democratistae appellantur suffragatae sunt, de qua re Brianus Robertides hic disserit.

 

simul pars quidem maior uirorum seu maritorum seu caelibum et pars maior feminarum nuptarum ei parti quae respublicana appellatur fauent, multo autem maior pars feminarum innuptarum ei parti quae democratica appellatur fauent, ad quam rem pertinent Theodorici Sartoris hae sententiae et Annae Bernardae hae sententiae.

in uniuersitatibus scholarium libertas

 

Iayanta Bhattacharya professor Stanfordensis hic refert cogitandi dicendique libertatem in uniuersitatibus scholarium non iam esse.

sententiae memoria dignae

 

hunc tractatum memoro propter hanc sententiam: "cum non certum habes quid faciendum sit, manda litteris, manda litteris, manda litteris." 

 

Timotheus autem Brolius archiepiscopus, ut hic memoratur: "nisi homines ad excellentiam uocaueris, in eo quod uulgare est manebunt."