episcopi Bataui contra Nazistarum consilia

 

abhinc octaginta annos episcopi Bataui epistolam hic memoratam ediderunt.

uiri et ecclesia occidentalis

 

proponuntur hic multae sententiae de eo quod in ecclesia occidentali iam multa saecula inter laicos uiri quam feminae minus uersantur.

agricolae Bataui

 

referuntur hic ea quae agricolae Bataui faciunt et quae de iis Eua Flardingerbroca dicit. et ab ea re initium faciens Augustus Meratus hic disserit quales mundi rectores sint et qualia eorum consilia sint.

Aliciola (?) Drummunda de mariti et uxoris aetatibus et uiris uirilibus et rebus contraconceptiuis

 

disserit Aliciola (?) Drummunda hic quidem de aetatis inter maritum et uxorem differentia hic autem de eo quod uiri uiriles feminas errores confiteri cogunt et iis quae nolunt resistunt hic autem contra ea quae conceptionem prohibent.

 

p.s. nescio quid illius quae se "feminam sapientem ueram" appellat praenomen integrum sit, sed de eius cognomine hoc inueni:

 

in sanctae Catharinae Senensis dialogo de Sodomae scelere sententiae

Ioanni Zulsdorfo sacerdoti hic scribenti gratias agens haec uerba quae de Sodomae scelere uel scelere naturae contrario a Deo dicta sancta Catharina Senensis in dialogorum parte 124 refert (Anglice hic) Latine refero: "nam ad hoc mysterium impuritate pleni ueniunt nec solummodo ea impuritate ad quam per naturae debilis uestrae fragilitatem uos omnes ex natura procliues estis...sed hi miseri non solummodo hanc fragilitatem non refrenant sed peius faciunt; nam illud peccatum naturae contrarium exsecratum agunt et quippe qui intellectus luce obscurata caeci et stulti sunt eum foetorem et miseriam in qua sunt non nouerunt. id autem peccatum mihi qui ueritas suprema et aeterna sum non solummodo foetidum est sed etiam re uera tantopere displicet et tanto odio est ut propter id solum quinque urbes iudicio diuino sepeliuerim quando id iustitia diuina mea ferre non iam poterat. id peccatum, ut dixi, non solummodo mihi displicet sed etiam iis diabolis quos hi miseri dominos fecerunt. non dico iis malitiam displicere propterea quod quicquam boni placeat sed quia eorum natura in origine angelica erat ex qua efficitur ut ii illius peccati ingentis ipsum actum uidere oderint. ii re uera sagittam concupiscentiae ueneno infectam mittunt sed eo quem percusserunt ad ipsum eius peccati actum procedente ex ea causa et eo modo quem dixi discedunt."

uir debilitatem ostendens et femina

 

Rebecca Barretta hic et Aliciola (?) Drummunda hic disserit quod uir coram femina querens uel flens facit ut ab ea despiciatur.

contra id quod est paruulos programmatum electronicorum scriptionem docere

 

hic Iosephus Morganus programmatum electronicorum scriptor disserit cur in paruulorum institutione programmatum electronicorum scriptioni alia antehabenda sint, quae sunt problemata soluere et in intimam rem quasi urinari et modo creatiuo cogitare et inter rem factam remque bene factam distinguere et rem bene factam maximi habere et sciendi cupidinem complecti. etiam illam thesin utilitarianisticam quod ars nisi munere fungendi potentiam efficiat adeptu digna non sit spernit.

qualem uirum femina cupiat

 

ipsae feminae dicunt:

 

hic 0:36-1:24 femina ignota existimat feminas quo minus uir se feminam respicere ostendit eo magis ad eum allici;

 

hic femina ignota indicem nouem rerum quibus a uiro actis excitatur exponit, inter quas res est primum in litteris electronicis post duos uel tres dies uel uno uerbo solo respondere et etiam nihil respondere secundum res petitas negare.

 

hic nonnullae feminae modis uariis dicunt feminas ad uiros qui non blandiantur sed ipsas posthabeant et negent et dominentur allici;

 

hic 0:00-0:52 femina ignota: "cur feminis animus ad pueros malos semper intendatur; cur nobis pueri benigni non placent? ergo necessitudo est commixtio energiae masculinae et femininae. pueri benigni simpliciter spinam non habent. omnibus rebus assensionem loqui uolunt. nullos limites claros habent. sibi non confidunt. ex quo hoc sequitur quod tibi quippe quae femina es necesse fit partem masculinam agere. ut necessitudo perfecte concors habeatur energiae masculinae et femininae aequitate indiges. ergo nos quippe quae feminae sumus ubi in necessitudine masculiniores esse exspectamur ibi simpliciter fungi non possumus. qua ex causa ad pueros malos labi solemus. nam ii fortiores timoreque liberiores esse solent et te ita protegent ut te saluam sentias et tibi opes dabunt. non interest utrum is problemata a matre orta habeat uel in animi motibus se clausum habeat uel quasi ualde uenenosus sit."

 

hic 1:06-1:12 femina fortasse nomine Natalia uel Melinda dicit se qualis uir ipsam sedere et tacere iubeat talem uirum cupere et a tali uiro excitari;

 

hic 0:01-0:05 Melina Goranis dicit "puto omnes puellas quasi id facere, sed puto ita esse propterea quod omnis [puella] paterculum cupit";

 

hic 0:55-1:07 Aliciola (?) Drummunda dicit "nolo maritum meum comitem meum esse. immo uolo eum esse aliquem qui uirilitate excitet, quem admirer...et uolo in eius uita quasi fulcimento esse";

 

hic per totum cinegramma Curtinaea Ryana modo sereniore dicit uirum cui ipse sufficit, facetum, qui sibi confidit et ducendi potentiam exhibet, qui clare dicit quid putet cupiatque, qui corpus modo ualido gerit ac praesertim oculorum contactum seruat.

sanctus Valentinus

 

de eo Ioannes Zulsdorfus sacerdos hic disserit.

aqua iuniperea et tonica

 

hic referuntur multa de aqua iuniperea et tonica.

 

hic de eius potionis uocabulo Anglico Ioannes Zulsdorfus sacerdos disserit quid plurale sit.

quinque sancti

 

anno Domini 1622 uno die Gregorius papa XV, ut hic et hic et in huius libri pagina 340 refertur, definiuit Franciscum Xauerum et Ignatium Loiolam et Isidorum Matritensem et Philippum Nerium et Theresiam Abulensem sanctos esse.

ecclesia orientalis schismatica

de ecclesia orientali schismatica tractatuum index hic (praesertim hic et hic) et Galfridi Miri philosophiae doctoris hic tractatus.

ipsarum feminarum uerba

in hoc cinegrammate has sententias feminae loquuntur: quod mores formae posthabentur, quod laudem a uiro acceptam feminae nihili habent, quod actionem uiri amatoriam femina gratam an ingratam iudicat prout ad eum allicitur aut non allicitur.

progressiuismus ad mortem fert

 

ecce, duorum progressiuistarum historia: alter se interficit, altera uult se interfectam.

 

sancta Missa Tridentina

 

hic imposita est haec imago earum litterarum quibus anno 1971 permittum est ut sancta Missa Tridentina in Anglia et Cambria ageretur.

 

sancti Petri Canisii de Sodomae scelere sententiae

quod ab Anna Bernarda hic didici, sanctus Petrus Canisius in summa doctrinae Christianae de Sodomitis disserens dicit "neque tacet scriptura causas quae ad hoc pergraue peccatum Sodomitas impulerunt et alios itidem permouere possunt. sic enim legimus apud Ezechielem 'ecce: haec fuit iniquitas Sodomae sororis tuae: superbia saturitas panis et abundantia et otium ipsius et filiarum eius et manum egeno et pauperi non porrigebant'. huic autem flagitio numquam satis exsecrando sunt obnoxii qui diuinam immo et naturalem legem in Leuitico scriptam uiolare non uerentur. ea sic habet 'cum masculo non commiscearis coitu femineo quia abominato est'." 

integralismus Catholicus

eum Eduardus Feser philosophiae doctor hic tractat.

feministria quae non omnibus feminis fauet

 

Iulianae Philippidi displicere uidetur femina quae se totam officiis domesticis intendat neque extra domum munere fungatur:

 

 sed nonne oportet feministriam omnibus feminis fauere?

quid Benedictus papa XVI de linquendo munere Petrino dixerit et quid Georgius Benedicti papae XVI scriba de dixerit

 

sicut e.g. hic refertur, anno 2013 mensis Februarii die 11 Benedictus papa XVI dixit se "ministerio episcopi Romae...renuntiare". quamquam autem, sicut Ioannes Zulsdorfus sacerdos hic refert, Benedictus ministerio renuntiauit tamen in legis ecclesiasticae Romanae canone 332 disseritur de hoc "ut Romanus Pontifex muneri suo renuntiet." cf. hic. et eodem anno eiusdem mensis die 27 Benedictus, ut hic refertur, dixit se ministerii functioni actiuae renuntiare. ergo Benedictus nusquam uidetur muneri Petrino renuntiauisse. immo dixit se intra sancti Petri saepem remanere. talibus uerbis quidem uidetur aliquid aliud efficere conatus esse quam ut muneri Petrino renuntiet. quid igitur in animo habebat? Georgius autem archiepiscopus et Benedicti papae XVI scriba anno 2016 mensis Maii die 20 in hac oratione (etiam hic) dixit quod Benedictus munus Petrinum "haudquaquam dereliquit. immo munus personale parte collegiali et synodali complendum quasi ministerium commune extendit." poteratne Benedictus re uera id efficere? ut autem hic (etiam hic) refertur, hebdomade postea Georgius cum ei diurnalista dixisset "si te recte intellego, is [Benedictus] in munere remansit sed in parte contemplatiua hoc modo ut nullam decernedi potestatem haberet. sic nunc habemus, ut tu dixisti, partes actiuam et contemplatiuam quae muneris Petrini augmentum coniunctim efficiunt?" respondit "quod dixi istud quidem est, quod, si homo id specialiter dicere uelit, ualde patet quod plena potestas uel plenitudo potestatis papae Francisci manibus inest. is est uir qui nunc Petri locum per successionem obtinet."

meritocratia

 

professor Haruardianus qui hic de meritocratia disserit hic monet quod si uniuersitates optimae in hoc eligendorum discipulorum modo perseuerauerint ut minus quidem quanta ii qui admissionem petunt effecerint potius autem quorum generum ii sint considerent paucis annis non iam fida erit haec sententia quod eae uniuersitates optimos admittant gradibusque donent.

opera artificiosa quae Napoleo ex Italia cepit

 

disseritur hic in Temporibus Neoeboracensibus anno 2021 mensis Iunii die 9o de iis operibus artificiosis quae Napoleo ex Italia cepit inter quae sunt Laocoon et Nuptiae Canenses (sed non Mona Lisa).

de Antonio Faucio medicinae doctore quaestio

 

is in his litteris dicit ea quae profutura in qualibus experimentis microbia pestifera potentiora fiunt ex talibus experimentis cognosci et effici possint periculo morbi pandemici maiora esse. quomodo talis uir prudens haberi potest?

paruuli sine patre

 

hic disseritur quae difficilia paruuli patre absente patiantur.

Pechini nomen Anglicum

 

hic disseritur quibus nominibus Pechinum Anglice dicatur.

oculorum color

 

hic tractatur.

conubium et uita caelebs in fide Catholica

 

ad hoc et hoc quae Ioannes Zulsdorfus sacerdos imposuerat respondentes nonnulli sententias memoria dignas scripserunt.

tractatus memoria digni

 

ei blogo qui Rorate caeli dicitur haec memoria digna nuper imposita sunt: hoc in quo Emmanuelis Kanti philosophia ecclesiae praedicationem affecisse dicitur; hoc in quo sacerdos de sanctae missae noui ordinis uitiis disserit et rhetorice rogat "putasne me post 43 annos sacerdotii umquam ab ullo permissum petiturum ut eam in qua ordinatus sum missam celebrem?"; hoc in quo Petrus Quasneuius philosophiae doctor ostendit ea quae Arthurus Roccus archiepiscopus de sancta missa dicit non simpliciter erronea uel falsa sed rei uerae contraria esse; hoc in quo in eum loquendi modum quo dicitur quod uenia sanctae missae uetustioris fautoribus dari non possit impetus fit; hoc in quo Ricardus Cipolla sacerdos disserit quomodo sancta missa uetustior et noua inter se differant; hoc in quo sancti Irenaei Lugdunensis uita et sententiae exponuntur.

hamaxostychi elegantissimi

hi hamaxostychi elegantissimi dicuntur: Indianus Pacificus in Australia, Palatium Rotis Impositum in India, Caeruleus in Africa Australi, Africae Gloria, Montium Saxeorum Incola in Canada, Rapidus Orientalis in Asia, Rapidus Veneticus Simplonius in Europa, Scotus Regius in Scotia, Aquila Aurea Rapida in Russia, Magnorum Regum Rapidus in India.

Alicia Hildebrandensis philosophiae doctrix

de ea quaedam memoria digna hic referuntur.

Matthaeus Sciba

 

Anna Bernarda Matthaei Scibae de sexualitate masculinitate et similibus epistolam hic imposuit.

de speciei humanae origine liber

de libro nouo in quo huius tractatus auctor speciei humanae originem tractat sententiae hic et hic sunt.

de eadem re autem est tractatus hic et hic et hic.

feminae contra feminismum

 

in hoc cinegrammate 2:54-3:43 de eo quod feminae paruulorum educatio quam munus maius opus sit et 9:41-10:30 de feministriis femininitatem spernentibus

in hoc cinegrammate 1:22-2:20 de moribus uirilibus et 5:53-6:45 de feministriis uxores domesticas uituperantibus ac dicentibus oportere feminas uiris similes esse

in hoc cinegrammate 1:15-1:56 de feministriis femininitatem spernentibus

in hoc cinegrammate 6:15-7:16 de eo quod uiris et feminis necesse sit inter se fidere

in hoc cinegrammate 6:46-7:46 de feministriis et feministis uxores domesticas uituperantibus

 

quas feminas ex cinegrammatibus primo secundo tertio memoro eae feminae plerumque contra feminas feminismi studiosas loqui mihi uidentur sed quam feminam ex cinegrammate quinto memoro ea femina non solum feminas feminismi studiosas sed etiam uiros feminismi studiosos memorat.

duo tractatus boni

 
Petrus Quasneuius philosophiae doctor hic exponit quomodo nos Catholici qui Georgium Bergolium in sanctae Missae tractatione uituperamus a Lutheranis papas uituperantibus differamus.

Timotheus Flandrianus hic nos qui sanctam Missam a Pio papa V editam colimus ad fortitudinem exhortatur.

mercatores

 

illud carmen in Tetride adhibitum.

quid socialista nationalisticus de mathematicis putauerit

hoc est quomodo qualis homo genus ethnicum omnibus rebus radici esse existimat talis homo de disciplinis intellectualibus cogitet.

 

 

de sancta Missa tractatus

 

index utilis. etiam Ioannes Zulsdorfus sacerdos hic et hic. et Robertus cardinalis Sara anno 2019 haec dixerat: "nonne uerum est quod formae extraordinariae interdictio uel suspicio non potest qui diabolus suffocationem nostram et mortem spiritalem cupit ab eo diabolo non inspirari?"

fidem defendere

Michael Theodorides sacerdos hic sententiis Ioannis cardinalis Turrecrematensis (summa de ecclesia 4.1.11) et sancti Roberti cardinalis Bellarmini (de summo pontifice 2.29.7) et Francisci Suarii (de caritate 12.1.2 et de fide 10.6.16) et Prosperi Guerangeri (annus liturgicus: tempus septuagesimale pp. 321-4) et sancti Cyrilli archiepiscopi Alexandrini (epistola 9) utens disserit quomodo Christianos contra duces malos fidem defendere oporteat.

quo animo Russi erga contagium coroniforme sint

 

animus Russicus, ut hic refertur, meus quoque est.

parens de filia quae se puerum putauerat

mater ignota hic refert quomodo filia se puerum putauerit et ipsa filiam adiuuerit ut filia resipiscat.

quomodo progressiuistae morbum mutandae politiae praetendere uelint

eius exemplum hic est.

quid progressiuistae de scholis Christianis putent

 

eius exemplum hic est. ex quo hoc quoque patet quod scholae publicae nihil aliud sunt quam politiae totalitarianae instrumentum.

Gualterus cardinalis Gaspar et idealismus Germanicus

 

Thomas Henricus Starcus professor hic de Gualtero cardinali Gaspare et idealismo Germanico disserit.

Henrici Siri sententiae

 
Henricus Sirus hic de multis rebus disserit.

conubium et uita caelebs

 

huius tractatus scriptrix dicit "ego ipsa uidi eum animum stomachosum et acrem quo aliquae mulieres in eos uiros caelibes qui recusent ne in matrimonio considant seque in perpetuum addicant sunt....propter nescioquam causam feminae adultae credunt uiris sine inquisitione uel cogitatione exsequendum esse programma suum, ex quo uiri sponte sua uitam caelibem suam derelinquant ut patres familiae fiant idque ita ut nec querantur neque autonomiam desiderent....quippe quae femina autonoma sum quae libertatem meam ceteris rebus cariorem existimo qui uiri non sinunt quemquam decernere quando uel utrum se maritos fieri oporteat eos uiros intellego etiamque magni facio. etsi eae quidem quae consilia patrare prohibentur sortemque peiorem accipiunt sunt feminae."

praedatio nupera

 

praedationis nuperae historia hic est.

homines in ciuitatibus communisticis nati de his ciuitatibus foederatis disserunt

 

femina quae in Sinis nata nunc in Virginia incolit, ut hic exhibetur, disserit quomodo quae res nouae hac aetate in his ciuitatibus foederatis fiunt eae illis quas ipsa puella in Sinis uidit similes sint.

 

femina quae in Corea septentrionali nata in Vniuersitate Columbiana discipula facta est, ut hic exhibetur, disserit quomodo hae ciuitates foederatae Coreae septentrionali similiter uel peius se habent: "Americam ita differre arbitrata eram et simpliciter [ei] quod in Corea sepentrionali uideram tantam similitudinem uidi et de hac re publica angi incipiebam" "[quidam quales condiscipuli Columbiani sunt] in abalienandae omnis libertatis studio animum consumunt" "quo hinc imus?....rei publicae nostrae tempus futurum tam miserum est quam Coreae septentrionalis nisi nunc ipsum consurgemus."

uir qui a Romania in has ciuitates foederatas se transtulit hic refertur de communismo sic locutus esse: "communismo fauere, consideratis rebus praeteritis et omnibus iis quae per annos litteris mandata sunt, triste est, re uera triste est. annus 2021 in ciuitatibus foederatis Americae est, et inter nos sunt Americani communismo fauentes, quod re uera obstupendum est....quos uiginti fere et quattuor annos in Romania incolui, iis annis ne unum quidem hominem de communismo laudatiua dicentem audiui."

lingua Latina in sancta Missa et aliter

Petrus Quasneuius philosophiae doctor hic praecipue disserit cur in sancta Missa litteras sacras Latine legi oporteat sed etiam alia de lingua Latina memorat. rem praecipuam tractans haec duo quaerenda proponit: primum, quid sit causa finalis litterarum sacrarum in sancta Missa legendarum; secundum, quomodo ad lectiones Latinas accessus fieri possit. lectionum causam finalem dicit multiplicem esse: non solum didascalicam sed etiam doxologicam et latreuticam ita ut eae non solum ad nos sed etiam ad Deum dirigantur. etiam "certe nobis paruum non est quae uerba plerique ecclesiae dimidii Latini uel occidentalis homines sancti per omnia saecula in labiis habuerunt eadem ipsa uerba recitare et canere. haec sunt uerba unitatis diachronicae et harmoniae resonantis et potentiae reuelatoriae." ut lectiones Latinae autem intellegantur adhiberi possunt missalia sed "possumus et debemus etiam communi consilio operam conferre ut omnes Catholici et paruuli et adulti linguam Latinam doceantur."

Ioannis Zulsdorfi sacerdotis sententiae memoria dignae

"quos mundos Deus creare poterat ex omnibus iis mundis creauit hunc in quem nos ut in actu essemus ipso tempore unice idoneo ipsa instrumenta unice idonea dans uocauit ut consilii supremi et diuini Sui partem paruam nostram ageremus. si nos habitui uitae nostro sicut is hic et nunc est...dediderimus Deus quibus gratiis actualibus ad partem nostram in Eius oeconomia salutari agendam indigemus eas omnes nobis dabit. a Deo uocatum esse ut his temporibus difficilibus uiuamus honori est. nam NOS sumus turma quam Is in ea quae hic et nunc in animo habet congregauit. fidelitas quidem et eorum quae Is uult studium maiores quam si nobis uiae leues essent gratias conferent." (hic anno 2021 mensis Septembris die uicesimo primo)

uaria cinegrammata

in hoc cinegrammate fautores partis sinistrae politicae a processione eucharistica fugere uidentur.

"fugit impius nemine persequente;

iustus autem quasi leo confidens" (liber prouerbiorum 28.1)

in hoc cinegrammate autem homo qui in politia munere fungi dicitur de uaccinis disserit.

in hoc cinegrammate autem legislatrix progressiua auditur dicens se integumentum faciale gerere propter nil aliud quam quod alterius partis politicae fautor se sequatur.

ut hic inueni, Antonius Faucius hic praesertim 17:16-44 de integumentis facialibus disserit.

mirabile est hoc praesertim 0:00-1:29 et hoc praesertim 3:09-35.

partes politicae

 

professor Columbianus hic scribit "ex hoc quod in parte politica es sequitur interdum faciendi eius quod parti politicae optimum est necessitas etsi non toto animo consentis" qua sententia uix ulla alia rem publicam et mentem humanam facilius celerius grauius corrumpat.

sancti Ioannis Henrici cardinalis Neandrini museum et sacellum

hic uideri possunt.

 

oppidum mirabile

ut hic refertur, Hobartum ciuitatis Noueboracensis multa bibliopolia habet.

is qui Franciscus papa appellatur et lingua Latina

Bonifatius in eo blogo qui "Vna Sancta Catholica" dicitur hic de iis quae hic relata Georgius Bergolius de lingua Latina dixit disserit praesertim quod ea ex utilitarianismo oriuntur atque et legi ecclesiasticae et Ioannis papae XXIII sententiis contraria sunt.

Ioannes Miltonius et poetae Romantici

Eleonora Burga Nicolais hic multas de Ioanne Miltonio et poetis Romanticis theses exhibet praesertim quod poeta Romanticus ut ea quae subiit et animi motus exprimat uincula philosophiae moralis et cultus diuini exuit etiam adeo ut dilectione contempta ad gloriose exprimendum se animum intendat, qua ex causa necesse est euenire ut Romanticismus has Satanae in "Paradiso amisso" loquentis sententias comprehendat:

 

"ualete, arua felicia,

ubi gaudium in perpetuum incolit. auete horribilia, aue

munde inferne, et tu, Tartare profundissime,

accipe possessorem tui nouum, eum qui fero

mentem quae nec loco nec tempore mutetur.

nam mens locus suus est et in se

Paradisum ex Tartaro Tartarum ex Paradiso fabricare potest."

 

quibus sententiis poetae Romantici senserunt se ad agendum uocari. illis uersibus exponitur consilium aestheticum cui ex poetis Romanticis atrocissimi se dediderunt ut hominem per se efficere posse adseuerarent ut res ex iis quae is subiit et eius cupidine deductae in actu sint.

philosophus atheisticus de sancta Missa

 

Michael Hunfridus hic Francice et hic in eo blogo qui "Rorate caeli" appellatur Anglice redditus de Missa Pii papae V disserit praesertim quod "Missa Latina est cultus nostri aetatis genealogicae patrimonium. in progressu temporali et spiritali a rituum et celebrationum et precum stirpe longa et sacra deducta est, quae omnia quasi in crystallo stabilita sunt in forma quae actionem omnigenam offert, quae Gesamtkunstwerk dicitur, ut id uocabulum a philosophia aesthetica Germanica et Romantica deductum adhibeatur. iis qui in Deum credunt Missa Latina quando cum ea Missa quae ad id cinegramma quod 'Vita est flumen longum et quietum' appellatur pertinet et Francisco papae placere uidetur comparatur sic se habet ut basilica Romana sancto Augustino contemporanea quando cum aula quae in Albertiuilla ubi sacrum et transcendentiam frustra quaeramus in insularum ordine ad multos usus aedificata est comparatur."

praeceptor litterarum optimus

Cicero Brussius philosophiae doctor de praeceptore litterarum optimo hic disserit praesertim quod talis praeceptor opera poetica per pulchritudinem ad sapientiam quasi uiam esse existimans sic ea discipulis exhibet.

quis schismaticus sit

 

sicut apud Annam Bernardam inueni:

 

"neque erit schismaticus qui negat pontifici subiectionem quia probabiliter dubitat de eius electione legitima uel de eius potestate" (Ioannes de Lugo, Disputationes scholasticae et morales de uirtute fidei diuinae 25.3)

 

sententiae autem primae ab Anna impositae textum Latinum in interreti non inueni, sed hoc eius sententiae secundae simile inueni:

 

"inter schismaticos proprie dictos non numerari...recusantes oboedire papae quia nimis dura imperat uel quia electio illius est dubia uel quia non uidetur esse dominus temporalis alicuius prouinciae" (Remigius Maschat a sancto Erasmo, Institutiones canonicae 5.8)

Suecia

de rebus Suecanis duorum scholarium et unius uiri politici sententiae hic sunt inter quas disseritur quod ecclesia Suecana per Lutheranismum ab ecclesia Catholica digressa in instrumentum politicum conuerta est et quod fides Catholica in recuperandis Sueciae moribus amissis partem agere potest. et memoratur hoc.

sancta Missa

 

Alcuinus Ridus hic.

Bonifatius in eo blogo quae una sancta Catholica appellatur hic.

Ioannes Blancardus hic.

Iosephus Scegus philosophiae doctor hic.

Ludouicus Sergius Solimeus hic.

Martinus Cuchemanus sacerdos hic.

Martinus Mosebachus hic.

Matthaeus Cullinanus Procurator hic.

 

Michael Theodorides sacerdos hic. 

Petrus Quasneuius philosophiae doctor hic et hic et hic.

Petrus Strauinius sacerdos hic.

Ricardus Cipolla sacerdos hic.

Robertus Mutsartius episcopus hic.

Robertus cardinalis Saraus hic.

 

sacerdos ignotus hic.

Stuartus Scaccus hic.

Vir Vagabundus hic et Anglice hic.

cerebra masculinum et femininum

 

Marcus Gungor exempli gratia hic et hic disserit quomodo cerebrum masculinum altero modo femininum altero agat exempli gratia quod cerebrum masculinum quoque momento temporis ad unum opus intenditur sed cerebrum femininum quoque momento temporis ad plura quam unum opera intenditur et quod uiri de problemate non loquuntur nisi solutionem audire uolunt sed feminae de problemate loquuntur propterea quod sic angorem soluunt nec solutionem audire uolunt.

Marcellus Faber archiepiscopus ad Alfredum cardinalem Octauianum respondet

ad illam Alfredi cardinalis Octauiani epistolam Marcellus Faber archiepiscopus, ut hic exhibetur, anno Domini 1966 respondit inter alia dicens "modo paene omnia attingenti, quandocumque concilium [Vaticanum secundum] aliquid noui fecit, in iis quae uera Ecclesiae magisterio authentico sic docentur ut ad traditionis thesaurum definitiue pertinere intellegantur certitudinem quassit."

qualem uirum feminae in amorem cupiant

 

Segda Robottomensis hic de eo appetitu quo femina uirum in amorem cupit disserens inter alia de feminis haec dicit "nobis mentimur et simulamus nos uirum dominantem non cupere propterea quod is appetitus nos feminas imbecillas faciat. uerum autem est quod feminae quidem in sui parte intima se dedere uolunt....tantummodo eam uim dominantem e uiro gustare feminae hodie tantopere cupiunt ut cum uiris re uera non amantibus in uinculis ueneniferis et uulniferis se inuenire soleant" et "animo nostro impressa est haec sententia quod partes masculinam et femininam ex 'more maiorum' agere aliquo modo prauum est....sed...ad hoc ut laetae integrae consummaticiae essemus numquam omnia ea quae uiri possunt facere indigebamus. immo nulla re nisi eorum fulcimento indigebamus."

Melania Notis autem hic refert hanc Galfridi Molinarii professoris sententiam "feminarum innati de concubino appetitus per multoties centum milia annorum euoluti sunt ad uiros qui res efficere possunt et uires habent et opum copiam parant et bene protegunt et labore inter sexus diuiso satis habent....[feminae cupiunt] uiros qui firmiter decernunt et etiam compassionem curamque agunt" et hanc cuiusdam feminae sententiam "ubi munere fungor ibi magistra sum....totum diem decerno. die finito autem uolo uirum meum dicere 'carissima, huius compos sum.'"

potestas pontificalis

 

Petrus Quasneuius philosophiae doctor hic in eo blogo qui "Rorate caeli" dicitur de potestate pontificali disserit.

decem res quas quidam professor per huius pestis tempus clarius cognouit

 

Iacobus Ioannides philosophiae doctor hic de decem rebus per huius pestis tempus clarius cognitis disserit: primum quod populo qui res diuinas non colat scientia materialis est deus, secundum quod quisquis scientiae materiali dominatur ciuitati dominatur, tertium quod plerique scientiae materialis cultores ut pecuniam et potestatem et auctoritatem accipiant huic quod a politia regantur non aduersantur, quartum quod quae politiae se scientia materiali fidere dicunt eae politiae res quotitatiuas rebus qualitatiuis antehabentes ad absurdum reducuntur, quintum quod neque est quicquam quod politia ut potestatem in re subita assumat non praetendat nec politia re subita praeterita eam potestatem deponit, sextum quod ciues democratici id quod est superuiuere et id quod est bene uiuere internoscere non possunt sed facile ita terreri possunt ut libertates abalienent, septimum quod politiae democraticae difficillimum est nihil facere--nam etiam quando nihil facere est optimum tamen eorum qui aliquid fieri uolunt uoces quam eorum qui non quicquam fieri uolunt maiores sunt--octauum quod extra res prosperas nulla est democratia sed quando rebus prosperis minae intentantur democratia in dictaturam delabitur, nonum quod ii qui plurimis gradibus scholasticis donati sunt non intellectu suo sed quas res et homines ex adipiscendorum graduum opera nouerunt iis rebus hominibusque fidunt propterea quod ex illis rebus et hominibus se diffiniunt et ordinem super ceteros paucioribus gradibus scholasticis donatos assumunt, decimum quod iis qui plurimis gradibus scholasticis donati sunt mens ad ortas extra eorum consortium sententias minime patet.

duarum feminarum historiae

 

praeceptrix quae, ut hic refertur, imagines Fautoribus Solis clam imponere solebat de se et ea re dixit, "amabam quod mihi erat haec pars de qua in schola nemo sciebat. tali animo eram quasi hyperheroina praua essem: interdiu praeceptrix, noctu seductrix." Anna Bernarda autem hoc aliud femininitatis exemplum proponit.

Franciscus Soarius de papa schismatico

 

Franciscus Soarius sacerdos societatis Iesu in tractatu tertio quem de caritate in disputationis duodecimae sectione prima in scripsit, ut hic in paginis 733-4 inuenitur et ego ab eo blogo qui "Rorate caeli" appellatur hic didici, dicit "hoc secundo modo posset papa esse schismaticus si nollet tenere cum toto Ecclesiae corpore unionem et coniunctionem quam debet, ut si tentaret totam Ecclesiam excommunicare aut si uellet omnes ecclesiasticas caeremonias apostolica traditione firmatas euertere."

sancti Pii papae V "quo primum"

 

ut ex huius libri paginis 506-8 et huius libri paginis 41-44 excerpsi et recensere conatus sum:

"ac huic missali nostro nuper edito nihil umquam addendum detrahendum aut immutandum esse decernendo sub indignationis nostrae poena hac nostra perpetuo ualitura constitutione statuimus et ordinamus, mandantes ac districte...praecipientes ut...Missam iuxta ritum modum ac normam quae per missale hoc a nobis nunc traditur decantent ac legant neque in Missae celebratione alias caeremonias uel preces quam quae hoc missali continentur addere uel recitare praesumant. atque ut hoc ipsum missale in Missa decantanda aut recitanda in quibusuis ecclesiis absque ullo conscientiae scrupulo aut aliquarum poenarum sententiarum et censurarum incursu posthac omnino sequantur eoque libere et licite uti possint et ualeant auctoritate apostolica tenore praesentium etiam perpetuo concedimus et indulgemus. neue praesules administratores canonici capellani et alii quocumque nomine nuncupati presbyteri saeculares aut cuiusuis ordinis regulares ad Missam aliter quam a nobis statutum est celebrandam teneantur neque ad missale hoc commutandum a quolibet cogi et compelli praesentesue litterae ullo umquam tempore reuocari aut moderari possint sed firmae semper et ualidae in suo exsistant robore similiter statuimus et declaramus....nulli ergo omnino hominum liceat hanc paginam nostrae permissionis statuti ordinationis mandati praecepti concessionis indulti et declarationis uoluntatis decreti et inhibitionis infringere uel ei ausu temerario contraire."

Achilles Tatius de officiis coniugalibus

 

in parte 5.14 fabulae Clitophontis et Leucippes Clitophon uxorem ducere in animo habens de se et femina dicit "iuramus ego quidem me sine dolo dilecturum ea autem se me uirum suum facturam et omnium rerum dominum declarare;" cf. sanctus Paulus ad Colossenses 3.18-19: "mulieres subditae estote uiris sicut oportet in Domino. uiri diligite uxores et nolite amari esse ad illas."

uerba sapientiae

 

ab Brandone Tato relata

uirorum homosexualium chorus de conuertendis paruulis canens

 

hic spectari potest uirorum homosexualium chori carmen, quod ad nos qui homosexualitatem uitium existimamus intenditur, et in quo inter alia horribilia illi choristae dicunt "existimatis quod paruulos uestros corrumpemus....recte existimatis; liberos uestros conuertemus". ego autem maxime miror quod chorus tale carmen edidit. quid illi putabant se effecturos? estne carmen satiricum uel ironicum? Brandon Tatus hic considerat sitne id trollicum, sed in fine id serium arbitratur. Anna Bernarda quidem et aliquis qui ad eam scripsit de eo carmine his uerbis loquuntur quod illi choristae uictoriis recentibus superbia tam elati erant ut se talia minari posse putarent. sicut Brandon Tatus ego spero quod eos paenitebit.

appetitus uenereus femininus quae est hypergamia

 

in hoc tractatu Sophia Atra disserit quid hypergamia sit et faciat, quae recte dicitur esse is appetitus quo femina uiro quam optimo nubere (uel potius, concumbere?) cupit. uirum optimum autem duobus modis dico: primum meliorem quam ceteros uiros, secundum meliorem quam ipsam feminam. id autem quod maxime memoro, haec thesis quod femina appetitum monogamisticum habet negatur et potius fauetur huic quod femina re uera appetitum hypergamisticum habet.

similiter hic Sara Marina, quae de appetitu uenereo feminino disserens huius libri scriptricis aliarumque sententias refert, praesertim hanc thesin exponit quod femina cui in uenereorum usu idem semper habere displicet ea uaria esse cupit. quae cupido autem haud monogamistica est.

ergo et Sophia et Sara negant feminas ex appetitu innato monogamiam cupere. feminae igitur uiris similes in hoc esse uidentur quod nec feminae nec uiri appetitum monogamisticum habent. nam scilicet uir dicitur appetitum polygamisticum habere, quam thesim nisi demens nemo neget.

his autem demonstratis quaeri potest primum quomodo homines se gerere oporteat, secundum utrum monogamia reiecta uiris appetitus polygamistici et feminis appetitus hypergamistici patratio ad felicitatem ferat an eos appetitus ratione refrenantibus uiris et feminis felicitas in monogamia inueniatur, tertium utrum polygamistici et hypergamistici appetituum patratio an ea bona quae paruulis et toti consortio humano ex monogamia oriuntur antehabenda sint. 

ego monogamiae faueo. nam appetitus rationi subiiciendi sunt, et felicitas ex rationaliter agendo oritur, et monogamia paruulis et consortio humano prodest.

quod multi uiri conubium inire nolunt

 

in hoc tractatu et hoc et hoc disseritur de eo quod uiri amatrices feministicas et progressiuisticas non cupiunt. etiam, ut in hoc tractatu refertur, multi uiri anguntur si uxor quae pecunia in familiam uenit eius pecuniae plus quam quadraginta partes centesimas infert, quem angorem huius tractatus scriptrix malum haud recte existimat.

  

in hoc tractatu autem disseritur de eo quod uiri conubium inire ideo nolunt quod iis leges et iudicia nocent.  

 

ex hoc tractatu autem, in quo quoque disseritur cur uiri conubium inire nolint, quamquam multa haud recte dicta esse mihi uidentur tamen hanc sententiam memoro: "uiri dixerunt conubii non ineundi unum commodum esse hoc quod si conubium ineant sibi ab amatrice uxore nunc facta praecipiatur quid faciendum sit." sic saltem haec agnoscuntur primum quod hoc aeuo hoc quod uir feminae pareat conubii elementum esse late putatur secundum quod uiri feminis parere nolunt. 

 

in hoc tractatu disseritur cur feminae quartum uel quintum uitae decennium agentes uirum allicere non possint, praesertim quod tales feminae iis quae annis prioribus elegerant se uiris taetras fecerunt et quod ex moribus publicis et legibus uerisimile est quod femina uiro periculi et damni quam commodi plus inferet.

etiam uiri sciunt quid feminae, ut in illo tractatu quarto refertur, a marito poscant.

puellarum corruptio

 

in hoc tractatu disseritur quomodo paruuli praesertim puellae per hoc quod ante aetatem opportunam ad res sexuales exponuntur in animo et in corpore corrumpantur. in eum tractatum Anna Bernarda hic et Ioannes Zulsdorfus sacerdos hic et eius blogi qui "mundabor" appellatur scriptor hic commentaria imposuerunt.

quattuor educandorum paruulorum modi

 

proponitur hic theoria quod educandorum paruulorum sunt hi quattuor modi: primum imperio solo et eo sic uti ut neque ad paruuli rationem neque ad eius animum umquam allocutio fiat, secundum et imperio uti et paruuli rationemque animumque alloqui, tertium imperium exhibere sed non exercere, quartum in paruuli uita non uersari. ut igitur uocabulis Aristotelicis dicam, primum quidem et tertium extrema et uitia sunt, id est, nimis imperio fidere et parum imperio fidere, secundum autem medium et uirtus est, id est, ex ratione imperio fidere ac facere ut parens et paruulus inter se bono animo sint. quartum autem re uera paruuli educatio dici uix potest.

 

puto hos quattuor modos ad praeceptoris quoque officium pertinere.

sancti Pii papae V constitutio "horrendum illud scelus", anno 1568 edita

 

in huius libri pagina 476 est sancti Pii papae V constitutio "horrendum illud scelus" quam Ioannes Zulsdorfus sacerdos hic memorat:

 

"horrendum illud scelus quo pollutae foedataeque ciuitates tremendo Dei iudicio conflagrarunt acerbissimum nobis dolorem intulit grauiterque animum nostrum commouet ut ad illud quantum potest comprimendum studia nostra conferamus. sane Lateranensi Concilio dignoscitur constitutum ut quicumque clerici illa incontinentia quae contra naturam est propter quam ira Dei uenit in filios diffidentiae deprehensi fuerint laborare a clero deiiciantur uel ad agendam in monasteriis paenitentiam detrudantur. uerum ne tanti flagitii contagium impunitatis spe quae maxima peccandi illecebra est fidentius inualescat clericos huius nefarii criminis reos grauius ulciscendos deliberauimus ut qui animae interitum non horrescunt hos certe deterreat ciuilium legum uindex gladius saecularis. itaque quod nos iam in ipso pontificatus nostri principio hac de re decreuimus plenius nunc fortiusque persequi intendentes omnes et quoscumque presbyteros et alios clericos saeculares et regulares cuiuscumque gradus et dignitatis tam dirum nefas exercentes omni priuilegio clericali omnique officio dignitate et beneficio ecclesiastico praesentis canonis auctoritate priuamus ita quod per iudicem ecclesiasticum degradati potestati statim saeculari tradantur qui de eis illud idem capiat supplicium quod in laicos hoc in exitio deuolutos legitimis reperitur sanctionibus constitutum. nulli ergo et cetera."

discipulorum opus iudicare et alia

 

Ioannes Trotter hic de iudicando discipulorum opere et aliis erudiendi partibus disserit. sententiae memoria dignissimae:

 

"discipuli a praeceptoribus mollibus minus discunt."

 

"per decennium in lyceis munere fungens uidi hanc suasionem constantem ut scriptioque lectioque enotatioque minuatur et tempus acceptandi operis seri extendatur et operis onera leuia fiant et tentationum grauitas diluatur et, id quod maxime fundamento est, nullus discipulus defecisse iudicetur....ad haec inclinationis crescentis inueniri possunt radices in generationibus eorum qui ex populi more adducuntur ut de se semper bona numquam mala sentiant et in institutionis mutatione gradali qua ab modo qui facultatis normis agitur ad modum qui emptoribus seruit itum est. consumptorismo populum circumueniente scholae nostrae existimationis et placationis quam eruditionis studiosiores factae sunt" 

 

"scholae longius ab facultatis normis mouentur. si in quolibet lyceo in praeceptorum exercitia professionalia ambulaueris non colloquium in quo uel tractetur quibus artibus opus discipuli in tempus futurum incertum habituri sint uel facultates ad quas adipiscendas discipuli laborent suo quaeque nomine tractentur audies sed est pompa strategematum nouorum quibus efficiatur ut discipuli sine labore discant. nam scholae pseudophilosophiam studii innati adsciuerunt hanc qua putatur quod si discipuli discendo non dediti sunt ita est propterea quod nos non fecimus ut ea in quibus discipuli collocati sunt satis delectationis habeant satis animos teneant satis tuta sint uel, id quod in institutione ad omnia respondetur, propterea quod nos non comprehendimus quibus modis pueri puellaeque hodierni quibus animus rebus electronicis distrahitur discant et ideo non satis technologiae nouae inseruimus."